న్యాయం కోసం ఏ పోలీస్ స్టేషన్ కు పోయి చేతులెత్తి దండంపెట్టి న్యాయం కోసం వేడుకుందో ,అదే పోలీస్ స్టేషన్లో ఇప్పుడు ఆమె ఎస్సై.. ఏ వీధుల్లోఅయితే , నెలల పసికందును ఎత్తుకొని నిమ్మరసం , సోడాలు , ఐస్ క్రీమ్ లు అమ్మిందో , ఆ వీధుల్లోనే ఇప్పడు ఆమె ఎస్సై డ్రెస్సులో వ్యాన్ లో పోతోంది.. తలచుకుంటే ఆమెకేకాదు , ఆమె గత జీవితం తెలిసిన వారికికూడా సంతోషంతో కన్నీళ్లు వస్తాయి.. ఆమెపేరు ఆణి శివ.. ఉండేది కేరళలోని వరకాల.. డిగ్రీ మొదటి సంవత్సరం చదువుతున్నప్పుడే పెళ్లి చేశారు. బిడ్డపుట్టిన తరువాత , భర్త వదిలేసి వెళ్ళిపోయాడు.. పురిటి బిడ్డను ఎత్తుకొని స్టేషనుకు పోతే , పోలీసులు వినిపించుకోలేదు. తల్లితండ్రులు భర్తలేని భార్య ఇంటికి రాకూడదని పంపేశారు.
ఇక అమ్మమ్మ ఇంట్లో వరండాలో తలదాచుకుంది. పొట్టోకూటికోసం , బిడ్డ పాల కోసం వీధుల్లో నిమ్మరసం అమ్మింది.. సోడాలు అమ్మింది.. బొమ్మలు అమ్మింది.. ఇలా బతుకుబండిని భారంగా ఈడుస్తున్నప్పుడే , ఒక పెద్దాయన ఆమె డిగ్రీ చదివిందని తెలిసి , ఎస్సై పరీక్షలు రాయమని సలహా ఇచ్చి , ఆర్థిక సాయం చేసాడు.. అదృష్టం వరించింది.. ఎస్సై అయింది.. ఈమె కధ తెలిసిన ఉన్నతాధికారులు , ఆమె గతంలో కన్నీటి జీవితం గడిపిన ప్రాంతానికే , ఆమెను ఎస్సైగా వేశారు.. విచిత్రం ఏమిటంటే న్యాయం కోసం ఏ పోలీస్ స్టేషన్ కు పోయి చేతులెత్తి దండంపెట్టి న్యాయం కోసం వేడుకుందో ,అదే పోలీస్ స్టేషన్లో ఇప్పుడు ఆమె ఎస్సై… అదే విది విచిత్రం..