రోడ్డుపై బిచ్చగాడు కనపడితే ఐదో పదో ఇచ్చేవారు చాలామందే ఉంటారు. తాము తెచ్చుకున్న దాంట్లో కొద్దోగొప్పో పెట్టేవారు కూడా ఉంటారు. కానీ హైదరాబాద్ అంతర్జాతీయ విమానాశ్రయం వద్ద ఓ మహిళా కానిస్టేబుల్ మాత్రం తనకు ఉన్నదంతా ఆ బిచ్చగాడికి ఇచ్చేసింది. తాను మధ్యాహ్నం భోజనానికి తెచ్చుకున్న క్యారేజీని బిచ్చగాడికి విస్తరి వేసి మరీ వడ్డించింది. తిన్న వరకు దగ్గరుండి జాగ్రత్తలు చూసుకుంది.
