రాజకీయాల్లో తన పేరుని తన అనుమతిలేకుండా వాడుతున్నారని తమిళ్ సినీ హీరో ‘ఇళయదళపతి’ విజయ్ కేసు పెట్టారు. ఇంతకీ ఆయన కేసు పెట్టింది ఎవరిమీదో తెలుసా..? స్వంత తల్లి , తండ్రులమీదనే.. విజయ్ మక్కల్‌ ఇయ్యకమ్‌ అనే పేరుతొ గతంలోనే విజయ్ తండ్రి ఒక రాజకీయపార్టీని పెట్టారు. కేంద్ర ఎన్నికల సంఘంలో రిజిస్టర్‌ అయింది.
ఆ పార్టీతో తనకు సంబంధం లేదని విజయ్ అప్పుడే చెప్పారు. అయితే ఇప్పుడు ఆ పార్టీ తరపున కొన్ని స్థానిక సంస్థల ఎన్నికల్లో అభ్యర్థులు పోటీ చేస్తున్నారు. సమావేశాలు కూడా నిర్వహితున్నారు. విజయ్ ఫొటోతోనే ఎన్నికల ప్రచారం చేస్తున్నారు. దీంతో ఆయన తన అనుమతిలేకుండా, తనపేరు , తన ఫొటోతో చేస్తున్న ప్రచారం వల్ల తనకు చెడ్డపేరు వస్తుందని ఆరోపిస్తూ , చెన్నై సిటీ సివిల్ కోర్టులో తన తల్లి తండ్రులు , మరో 11 మందిపై కేసు పెట్టారు..
