పెళ్లి విందులో మటన్ పెట్టలేదని పెళ్ళికొడుకు పెళ్లి క్యాన్సిల్ చేశాడు . మటన్ లేని పెళ్ళివిందు తమను అవమానించడమేనని , తిడుతూ తన బంధువర్గంతో వెళ్ళిపోయాడు. మటన్ పెట్టి మర్యాదచేయలేని ఇంట్లో పిల్ల, పెళ్లికూడా వద్దన్నాడు,ఒరిస్సాలోని సుకిందర్ అనే గ్రామంలో జరిగిందీ ఘటన. రమాకాంత్ పాత్ర అనే ఈ పెళ్ళికొడుకు , బంధుమిత్ర సమేతంగా పెళ్లికూతురు ఇంటికి వచ్చాడు. రాత్రి 9 గంటలకు పెళ్లి . ఈ లోగా విందు ఏర్పాట్లు జరిగాయి. అందరూ భోజనానికి కూర్చున్నారు. అయితే విందులో మటన్ కర్రీ లేకపోవడంతో పెళ్ళికొడుకు అగ్గిమీద గుగ్గిలం అయ్యాడు. ఈ పెళ్లి తనకొద్దంటూ అరిచి , అలిగి వెళ్ళిపోయాడు. అదే ఊరిలో తమ బంధువుల ఇంటికి పెళ్ళికొడుకు తరపు వారంతా పోయారు. అదే రాత్రి మరొక అమ్మాయిని చూసి తాళి కట్టేశాడు..