కరి మ్రింగిన వెలగపండు.. సంగతి ఏంటో మనందరికీ తెలుసు. వెలగపండు ఏమాత్రం చెక్కుచెదరకుండా లోపల గుజ్జునంతా లాగేసుకోగలదు ఏనుగు. అలాంటి ఏనుగు ఇప్పుడు ఓ హెల్మెట్ మింగేసింది. అడవుల్లోనుంచి ఆకలితో వచ్చిన ఏనుగు.. హెల్మెట్ ని ఏదో నల్లడి పండులా భ్రమించి తొడంతో పట్టుకుని నోట్లో వేసుకుంది.
అసోంలో ఆర్మీక్యాంప్ వద్ద
ఈ ఘ‌ట‌న అసోం గౌహటిలోని స‌త్గావ్ ఆర్మీ క్యాంపు వద్ద వెలుగు చూసింది. నోట్లో హెల్మెట్ పెట్టుకున్న ఏనుగు అక్క‌డ్నుంచి మెల్ల‌గా వెళ్లిపోయింది. ఈ దృశ్యాల‌ను ఆ బైక్ య‌జ‌మాని త‌న సెల్‌ఫోన్‌లో రికార్డ్ చేసి సోషల్ మీడియాలో అప్ లోడ్ చేశాడు. ఆహారం కోసం అమ్చాంగ్ వ‌న్య‌ప్రాణి సంర‌క్ష‌ణ కేంద్రం నుంచి ఆర్మీ క్యాంపు స‌మీపంలోకి ఏనుగులు అప్పుడప్పుడు వ‌స్తుంటాయ‌ని అధికారులు తెలిపారు.
