బీయింగ్ హ్యూమన్ సంస్థ పేరుతో సల్మాన్ ఖాన్ చేస్తున్న వ్యవహారాలపై ఆరోపణలు వినపడుతున్నాయి. ఈ క్రమంలో సల్మాన్ పై చండీగఢ్లో చీటింగ్ కేసు నమోదు కావడం సంచలనంగా మారింది. సల్మాన్ తోపాటు, ఆయన సోదరి అల్విరా ఖాన్ అగ్నిహోత్రి, బీయింగ్ హ్యూమన్ ఫౌండేషన్కు చెందిన ఏడుగురిపై అరుణ్ గుప్తా అనే వ్యాపారి ఫిర్యాదు చేయగా, పోలీసులు కేసు నమోదు చేశారు. జులై 13లోపు వివరణ ఇవ్వాలని సమన్లు కూడా జారీ చేశారు.
బీయింగ్ హ్యూమన్ అనే బ్రాండ్ కి సల్మాన్ ప్రమోటర్ గా ఉన్నారు. ఆ బ్రాండ్ పేరుతో వచ్చే సంపాదనని స్వచ్ఛంద సంస్థకి ఇస్తుంటారు. ఈ క్రమంలో బీయింగ్ హ్యూమన్ పేరుతో ఫ్రాంచైజీ తెరవాలంటూ కొందరు తనను సంప్రదించారని, వారు తనను మోసం చేశారని, తన షాపు ఓపెనింగ్ వస్తానని చెప్పి సల్మాన్ ఖాన్ కూడా మోసం చేశారంటూ అరుణ్ గుప్తా ఫిర్యాదు చేశారు. తనతో 2కోట్ల రూపాయలు ఖర్చు పెట్టించారని కూడా అన్నారు. ఆయన ఫిర్యాదు మేరకు సల్మాన్, ఆయన సోదరి అల్విరా, సంస్థ సీఈఓ ప్రకాశ్ కాపరే సహా మరో ఏడుగురిపై కేసు నమోదైంది.
Chandigarh police summon Bollywood actor Salman Khan, his sister Alvira Khan and 7 others associated with Being Human in an alleged case of fraud.
"They have been given till July 13 to reply. If there's anything criminal, action will be taken," Chandigarh SP Ketan Bansal. pic.twitter.com/Ye2dI97aN5
— ANI (@ANI) July 8, 2021