అందాల అనుష్క ‘కూ’ అంటూ రాగం తీస్తోంది. రాగం తీస్తోంది అంటే, ఆమె నటించబోయే నెక్ట్ మూవీకి పాట పాడుతోందని అనుకోకండి. ‘కూ’ యాప్లోకి అడుగుపెట్టింది. ఈ మధ్యకాలంలో ‘కూ’లో ఖాతాలు తెరుస్తున్న సెలబ్రిటీల సంఖ్య పెరుగుతోంది.
తాజాగా టాలీవుడ్ క్రేజీ బ్యూటీ అనుష్క కూడా ‘కూ’లో ప్రవేశించింది. ఈ విషయాన్ని అనుష్క స్వయంగా ‘కూ’లో ప్రకటించింది. తాను కూడా ‘కూ’లో కాలుమోపానని, ఇకపై తన అప్ డేట్లను అభిమానులతో ‘కూ’ వేదికగా పంచుకుంటానని స్పష్టం చేసింది. కాగా అనుష్క ‘కూ’లో తొలి పోస్ట్ చేసిన కొద్దిసేపట్లోనే ఫాలోవర్ల సంఖ్య అంతకంతకూ పెరిగిపోతోంది.