సినీ నటులు కొన్నిసార్లు అనుకోకుండా చిక్కుల్లో పడుతుంటారు. సినిమాల్లోనే కాదు, యాడ్స్ విషయంలో కూడా ఎంతో జాగ్రత్తగా ఉండాలని అమీర్ ఖాన్ ఉదాహరణ మరోసారి గుర్తు చేస్తుంది. అవును, అమీర్ ఖాన్ ఇప్పుడు ఓ యాడ్ వల్ల చిక్కుల్లో పడ్డారు.
సీయట్ టైర్ల కంపెనీకోసం అమీర్ కాన్ చేసిన యాడ్ ఇప్పుడు సంచలనంగా మారింది. రోడ్లు ఉంది టపాసులు కాల్చాడానికి కాదు.. అంటూ తన ఎదురుగా ఉన్న జనాలకు క్లాస్ పీకుతూ.. సదరు టైర్ల యాడ్ను ప్రమోట్ చేస్తాడు అమీర్ ఖాన్. ఈ యాడ్ తమ మనోభావాలను కించపరిచిందని ఆగ్రహం వ్యక్తం చేస్తున్నారు నెటిజన్స్. సీయట్ను బాయ్కాట్ చేయాలంటూ హ్యాష్ ట్యాగ్లతో ట్వీట్స్ చేస్తున్నారు. తమకు అమీర్ ఖాన్ క్షమాపణలు చెప్పాలని.. యాడ్ను తొలగించాలని సీట్ కంపెనీని డిమాండ్ చేస్తున్నారు. అలాగే.. మతాన్ని, పండుగలను కించపరిచేలా సీయట్ కంపెనీ యాడ్స్ తీస్తుందని ఆరోపిస్తున్నారు.
