తెలంగాణ గవర్నర్ తమిళ సై కి , ముఖ్యమంత్రి కేసీఆర్ కు మధ్య వార్ ముదిరిపోయింది . గవర్నర్ పెత్తనాన్ని తాను సహించేది లేదంటూ ముఖ్యమంత్రి చెబుతుండగా , రాజ్యాంగ అధినేతగా తన విధులు నిర్వహిస్తారని గవర్నర్ చెబుతోంది . తాజాగా భద్రాచలం పర్యటనలో గవర్నర్ కార్యక్రమంలో కలెక్టర్ , ఎస్పీ ముఖం చాటేశారు. గవర్నర్ భద్రాచలం శ్రీరామ పట్టాభిషేకానికి వస్తున్నారని తెలుసుకుని కలెక్టర్, ఎస్పీ సెలవుపై వెళ్లిపోయారు .
వారిద్దరూ ఆమె పర్యటనకు దూరంగా ఉండిపోయారు . భద్రాద్రి కొత్తగూడెం జిల్లా కేంద్రానికి ప్రత్యేక రైల్లో వచ్చిన గవర్నర్ కు కిందిస్థాయి అధికారులు స్వాగతం చెప్పారు. ప్రజా ప్రతినిధులు కూడా ఎవరు రాలేదు . ఆమె పర్యటనలో ప్రజా ప్రతినిధులు గాని ఉన్నతాధికారులు గాని పాల్గొనలేదు . దీంతో భద్రాచలంలో జరిగిన శ్రీరామ పట్టాభిషేకం లో గవర్నర్ పాల్గొని తిరిగి స్థానిక కార్యక్రమాల్లో పాల్గొని వెళ్లిపోయారు .
ఈ విషయమై మీడియా ప్రశ్నించగా తాను ఆధ్యాత్మిక పర్యటనకు వచ్చానని ఇవన్నీ పట్టించుకోనని చెప్పారు . ఎవరు వచ్చినా రాకపోయినా తన పని తాను చేసుకుంటూ ఉంటాననిస్పష్టం చేశారు. ప్రజలంతా సుఖశాంతులతో ఉండాలని తాను భగవంతుని ప్రార్థించానని అని గవర్నర్ అన్నారు. శ్రీరామ పట్టాభిషేకం కార్యక్రమానికి హాజరు కావడం తన అదృష్టంగా భావిస్తున్నాను అని ఆమె చెప్పారు.
