యూపీలో ఓ అమ్మాయి వీడియో ఒకటి వైరల్ గా మారింది. సాధారణంగా అమ్మాయిలంటే స్కూటీలు నడుపుతూ ఉంటారు. అయితే ఈ అమ్మాయి ఎవరో తెలియదు గానీ ఏకంగా బుల్లెట్ బైకెక్కి హైవేపైనే చక్కర్లు కొడుతోంది. దీంతో కొందరు ఆ అమ్మాయి బుల్లెట్ బైకు నడిపే వీడియోతీసి, సోషల్ మీడియాలో అప్లోడ్ చేశారు. దీంతో ఆ వీడియో ఇప్పుడు వైరల్ అయిపోతోంది. బుల్లెట్ బండిపై దర్జాగా కూర్చొని.. వెనుకవైపున ఓ పెద్ద గన్ కూడా పెట్టుకొని.. వెళ్తోంది. ఈమెను రోడ్డుపై చూసిన వారందరూ అవాక్కయి.. ముక్కున వేలేసుకుంటున్నారు.
సోషల్ మీడియాలో ఈ అమ్మాయి బుల్లెట్ నడిపే తీరుకు మరికొందరు నెటిజన్లు పొగడ్తలతో ముంచెత్తుతున్నారు. బుల్లెట్ బండిని నడిపించడంలో ఈమె సూపర్ అంటూ కామెంట్లు రాస్తున్నారు. మరికొందరైతే వెనుక గన్ ఎక్కడినుంచి వచ్చిందంటూ ఆశ్చర్యపోతున్నారు. మొత్తానికి ఈమె ఎవరోగానీ ఒక్కరోజులోనే పాపులర్ అయిపోయింది.
