ప్రియుళ్ళతో పెళ్లిళ్ల కోసం ఇద్దరు కూతుళ్లు , తల్లి కలిసి కుటుంబం మొత్తానికి విషమిచ్చి చంపేసే ప్రయత్నం చేసిన దారుణం ఇది. ఈ ఘోరం లో నోయిడాలోని బుద్దనగర్ లో జరిగింది. గౌతమ బుద్ధ నగర్ లో 45 ఏళ్ల రాజకుమారి అనే మహిళకు కి ఇద్దరు కూతుర్లు.. జ్యోతి , అర్చన అనే పేరు గల ఇద్దరు కూతుళ్లు దీపక్, అభిషేక్ అనే ఇద్దరు యువకులను ప్రేమించారు. అయితే వీళ్ళిద్దరూ తమ ప్రియుళ్లను పెళ్లి చేసుకోవడానికి తండ్రి దేవేంద్ర మరియు అతని తల్లి రీనా దేవి ఒప్పుకోలేదు. దేవేందర్ అతడి తల్లి ఈ పెళ్లికి ఒప్పుకోకపోవడంతో భార్య రాజకుమారి , భర్త , అత్త , మిగిలిన ఇద్దరు పిల్లలను విషమిచ్చి చంపేసి పారిపోయి ఆ ఇద్దరు యువకులతో ,తన ఇద్దరు కూతుళ్లకు పెళ్లిళ్లు చేయాలని పథకం వేసింది.
తన పథకాన్ని కూతుళ్లకు చెప్పింది. దీంతో కూతుళ్లు , తమ ప్రియుళ్ళకు తల్లి ప్లాన్ వివరించారు. ప్రియుళ్లు దీపక్, అభిషేక్ నోయిడాకి వచ్చి ఒక గది అద్దెకు తీసుకొని పథకం వ్యూహరచన చేశారు . రాజకుమారికి పాయిజన్ ట్యాబ్లేట్లు ఇచ్చారు. ఆమె రాత్రి భోజనంలో తన భర్త కు , అత్తకు మరో ఇద్దరు పిల్లలు 13, 14 ఏళ్ల వయసున్న పిల్లలకు భోజనంలో పెట్టింది . రాత్రి అందరూ నిద్రపోయిన తర్వాత తన కూతుళ్లతో కలిసి , వాళ్ళ ప్రియుళ్ళ సాయంతో సామాను తీసుకొని వెళ్లిపోయారు.
ఈ లోగా ఇంట్లో కుటుంబ సభ్యులు స్పృహలో లేకపోవడం చూసిన ఇరుగుపొరుగు వారు పోలీసులకు ఫిర్యాదు చేశారు . పోలీసులు హడావిడిగా వచ్చి స్పృహలో లేని వారిని ఆసుపత్రిలో చేర్పించి కేసు దర్యాప్తు ప్రారంభించారు . స్థానికులు ఇచ్చిన సమాచారం మేరకు మొబైల్ ఫోన్ సిగ్నల్స్ ఆధారంగా రాజకుమారి , ఆమె కూతుళ్లు ఇద్దరు జ్యోతి, అర్చన ఎక్కడున్నారో పోలీసులు కనిపెట్టేశారు. ఇతర ప్రాంతాల పోలీసుని అప్రమత్తం చేసి వారిని అదుపులోకి తీసుకున్నారు. ప్రస్తుతం విషప్రయోగానికి గురైన నలుగురు ప్రాణాపాయ స్థితిలో ఆస్పత్రిలో చికిత్స పొందుతున్నారు..
