కరోనా కాలంలో కూడా అట్టహాసంగా పెళ్లిళ్లు, ఫంక్షన్లు చేసుకునేవారిని చూస్తున్నాం. అందులోనూ సినిమావాళ్లంటే ఆ సందడి మామూలుగా ఉండదు. కానీ హీరో కార్తికేయ మాత్రం సింపుల్ గా, ఎవరికీ తెలియకుండా, ఎవరినీ పిలవకుండా ఎంగేజ్మెంట్ చేసుకున్నారు. అతి కొద్దిమంది బంధుమిత్రుల సమక్షంలో ఈ కార్యక్రమం పూర్తయింది. కనీసం మీడియాకి కూడా సమాచారం లేదు. సోషల్ మీడియాలో కూడా ఫొటోలు రిలీజ్ చేయలేదు. కార్తికేయ ప్రస్తుతం అమెరికాలో ఉన్నారని, ఆయన తిరిగొచ్చాక అందరికీ సమాచారమిస్తారని సన్నిహితులు చెప్పడం మాత్రం విశేషం.
