నువ్వు బాగున్నావు .. మా అన్నతో కూడా ఉండు.. అని భార్యను వేదించే భర్తపై కేసు పెట్టాల్సిందిగా తిరుపతి ఎస్పీ వెంకటఅప్పలనాయుడు ఆదేశించారు. అన్నతో పడక పంచుకోమని భార్యను కోరే నీచుడైన భర్త గురించి , శ్రీకాళహస్తికి చెందిన ఓ మహిళ మీతో మీ యస్.పి-స్పందన కార్యక్రమంలో తెలియజేసింది. కన్నీళ్లతో అత్తవారింట్లో కష్టాలను ఎస్పీకి ఏకరువు పెట్టింది. అత్తమామలు కూడా దారుణంగా హింసిస్తున్నారని చెప్పింది. ఆమె బాధను విన్న ఎస్పీ , తక్షణమే ఆ నీచుడైన భర్తపైన కేసు పెట్టమని శ్రీకాళహస్తి పోలీసులను ఆదేశించారు .
ఎంతగా భర్త , అత్తా, మామల వేధింపులకు గురైందో తెలియదు గానీ… ఆమె కన్నీటి కష్టాలు విన్న యస్.పి తన భర్త తో మాట్లాడి పరిస్థితిని చక్క పెడతానని హామీ ఇచ్చినా కూడా, ఆమె నేను ఇక ఆ ఇంటిలో బతకలేను దయచేసి నాకు అతనితో విడాకులు ఇప్పించండి…. నాకు ఆ నరక కూపం నుంచి విముక్తి కలిగించండి అంటూ కన్నీళ్లతో వేడుకుంది. దీంతో ఎస్పీ ఆమె భర్త, . అత్తమామలుపై కేసు పెట్టి చర్యలు తీసుకోవలసిందిగా ఆదేశించారు. ఆమెకు ఏసమయంలో ఆపద ఉన్నా తానున్నానని భరోసా ఇచ్చారు..
