రేపటి నుంచే.. మండేకాలం..గత ఐదేళ్లలో లేనంతగా మండిపోనున్న ఎండలు..
రేపటి నుంచి మండేకాలం మొదలుకానుంది. నేటితో సాధారణ ఎండల ప్రభావం ముగిసిపోతుంది. ఇక రేపటి నుంచి అసలైన ఎండా కాలం మొదలౌతుంది. ఇక అన్నీ జిల్లాల్లో కనీస ఉష్ణోగ్రతలు 40 డిగ్రీల పైగానే నమోదవుతాయి. రాబోయే రోజుల్లో ఎండలు మరింత ఎక్కువగా ఉంటాయని వాతావరణశాఖ హెచ్చరిస్తోంది. ప్రజలు అప్రమత్తంగా ఉండి.. తగిన జాగ్రత్తలు తీసుకోవాలని అధికారులు సూచిస్తున్నారు. ఈసారి ముందుగానే వేడిగాలులు మొదలయ్యాయంటున్నారు. ఇదిలా ఉంటే కొన్ని ప్రాంతాల్లో విచిత్ర వాతావరణ పరిస్థితులు కనిపిస్తున్నాయి.
గత 5 సంవత్సరాలతో పోలిస్తే ఈ సారి ఎండలు ఎక్కువగా ఉంటాయి. ఎండల పట్ల అప్రమత్తంగా ఉండాలని, ప్రత్యేక జాగ్రత్తలు తీసుకోవాలని వెదర్ బ్లాగర్స్ చెబుతున్నారు. ముఖ్యంగా వృద్దులు, చిన్నారులు ఎండల సమయంలో బయట తిరగకుండా ఉండటమే మంచిదని అంటున్నారు. ఒక వేళ బయటకు వెళ్లాల్సి వస్తే తప్పని సరిగా జాగ్రత్తలు తీసుకోవాలని అన్నారు. మరో వైపు స్కూళ్లకు కూడా 14వ తేదీ నుంచి ఒంటిపూట బడులను పెట్టనున్నారు.