వాతావరణ సమతుల్యం దెబ్బతింటున్న ప్రభావం క్రమంగా , మానవాళిపై పడుతుందన్న నిజం క్రమంగా అనుభవంలోకి వస్తోంది. ప్రకృతి వైపరీత్యాలు పెరిగిపోవడమే ఇందుకు నిదర్శనం.. ఈ ఏడాది మార్చి నెలలో ఎండలు , 121 ఏళ్లలో లేవని , భారత వాతావరణ శాఖ ప్రకటించింది. మార్చి నెలలో ఇంత ఉష్ణోగ్రతలు 1901 సంవత్సరంలో వచ్చాయని , మళ్ళీ ఈ ఏడాది మార్చిలో అది పునరావృతం అయిందని చెప్పారు.
దేశంలో అనేక రాష్ట్రాలలో , 121 ఏళ్లలో మార్చి నెల ఉష్ణోగ్రతల సగటులో 3 . 86 డిగ్రీల పెరుగుదల కనిపించింది. మార్చి నెలలో రెండు తీవ్రమైన వడగాడ్పులు రికార్డ్ అయ్యాయి. తెలంగాణాలో కూడా ఆ రాష్ట్ర ప్రభుత్వం , ప్రజలను మధ్యాహ్నం 12 నుంచి , సాయంత్రం 4 వరకు బయటతిరగొద్దని సూచన చేసింది.
పడమర గాలులు వల్ల వడగాడ్పులు , మేఘాలు లేని ఆకాశం కారణంగా సూర్యతాపం నేరుగా భూమిని తాకడం, దేశంలోని వాయువ్య ప్రాంతాలలో సరైన వర్షాలు పడకపోవడం దీనికి కారణాలని , ఐఎండీ పూనా డైరెక్టర్ చెప్పారు..ఈ ఏడాది జూన్ నెలవరకు ఎండల తీవ్రత మరింత ఎక్కువగా ఉంటుందని చెప్పారు. గతంలో కంటే ఎక్కువ వడగాడ్పులు కూడా వచ్చే అవకాశాలే ఎక్కువగా ఉన్నాయి..
