చిన్న పిల్లల సోషల్ మీడియా ప్రేమలు , ఇప్పుడు దేశందాటి విదేశాలకూ పాకాయి.. 16 ఏళ్ళ స్వీడన్ కు చెందిన ఒక బాలిక , సోషల్ మీడియా లో , ముంబైలో ఒక 18 ఏళ్ళ బాలుడితో ప్రేమలో పడి , తన దేశంవిడిచి వచ్చేసింది.. ఈ బాలిక ఈ ఏడాది జనవరిలో , ముంబైకి చెందిన హైస్కూల్ స్టూడెంట్ తో ఇంస్టా గ్రామ్ లో ఫ్రెండ్ అయింది. కొంతకాలం చాటింగ్ తరువాత ప్రేమలో పడింది. 15 రోజుల క్రితం చెప్పకుండా స్వీడన్ నుంచి వచ్చేసింది.
టూరిస్ట్ వీసా కింద ఆ బాలిక ముంబైకి రావడంతో , ప్రియుడు ఆమెను , ముంబైలోనే తన కజిన్ సాయంతో సింగిల్ బెడ్ రూమ్ ఫ్లాట్ అద్దెకు తీసుకుని ఆ బాలికను అక్కడ పెట్టాడు. స్వీడన్ లో , బాలిక తల్లితండ్రులు ఫిర్యాదుతో , అమ్మాయి ముంబైచేరిందని తేలింది. దీంతో ఇక్కడ పోలీసులను అప్రమత్తం చేశారు. బాలిక తండ్రి , స్వీడన్ నుంచి , ముంబాయికి వచ్చి పోలీసులను కలిసాడు., తండ్రిని చూస్తూనే ఆ బాలిక ఏడ్చేసి , స్వీడన్ వచ్చేస్తానని చెప్పింది.. తప్పు చేశానని ఒప్పుకుంది..
