ఓ స్నేహితుడు చనిపోతే, చనిపోయిన స్నేహితుడుకి సృష్టిలో ఎవరూ ఊహించని, ఇవ్వలేని ఒక అద్భుతమైన కన్నీటి వీడ్కోలుని ఆ స్నేహితులు ఇచ్చారు. ఎరిక్ సెడనోస్ అనే యువకుడు ఓ ప్రమాదంలో చనిపోయాడు. స్నేహితులు బంధువులు, తల్లిదండ్రులు అందరూ ఆ యువకుడి అంత్యక్రియలు పూర్తి చేశారు. శవపేటికను సమాధిలో పెట్టిన తర్వాత దాన్ని పూడ్చేశారు. అయితే ఇంటికెళ్లిపోయిన ఫ్రెండ్స్ కి తమ స్నేహితుడు పదే పదే గుర్తు రావడంతో ఒకరికొకరు మాట్లాడుకుని ఎరిక్ కు ఇష్టమైన రీతిలో వీడ్కోలు చెప్పలేకపోయామని భావించి, తల్లిదండ్రుల్ని ఓ వింతకోరిక కోరారు.
సమాధిలోనుంచి తమ స్నేహితుడి శవాన్ని మళ్లీ బయటకు తీస్తామని, తీసి అందరం కలసి స్నేహితుడిని శవాన్ని మోటర్ సైకిల్ పై తీసుకెళ్లి ఊరంతా తిప్పి ఆ తర్వాత మళ్లీ సమాధి చేస్తామని చెప్పారు. బైక్ రైడింగ్ అంటే అమిత అష్టమైన తమ కొడుక్కి ఈ రకమైన వీడ్కోలు కూడా ఆత్మశాంతి కలిగిస్తుందని తల్లిదండ్రులు భావించి స్నేహితుల కోర్కెను కాదనలేకపోయారు. ఆ రాత్రి స్నేహితుడు సమాధివద్దకు వెళ్లి తమ స్నేహితుడి శవాన్ని వెలికి తీసి, ఒక్కొకరు ఒక్కో దఫా తమ స్నేహితుడిని మోటర్ సైకిల్ పై ఎక్కించుకుని రోజూ తాము తిరిగే ప్రాంతాల్లో తిరిగి తెల్లవారు ఝామున తిరిగి శవపేటికలో పెట్టి శ్మశానంలో పూడ్చేశారు. ఈ ఘటన దక్షిణ అమెరికాలోని ఈక్వెడార్ లో జరిగింది.
