సోనూ సూద్ కార్యాలయాలపై ఐటీ రైడ్స్ జరుగుతున్న విషయం తెలిసిందే. మూడు రోజులుగా దాడులు జరుగుతున్నా.. ఎక్కడా సోనూ సూద్ పై ఎటువంటి ఫిర్యాదులు అందలేదు, ఆయన వ్యవహారంలో అధికారిక ప్రకటన వెలువడలేదు. తాజాగా దీనిపై సెంట్రల్ బోర్డ్ ఆఫీస్ డైరెక్ట్ ట్యాక్సెస్ సీబీడీటీ అధికారులు స్పందించినట్టు తెలుస్తోంది. సోనూ సూద్ మొత్తంగా 20కోట్ల రూపాయలు పన్ను ఎగవేసినట్టు సమాచారం.
I-T Dept conducted a search & seizure op at various premises of a prominent actor in Mumbai & also a Lucknow-based group of industries engaged in infrastructure development. 28 premises in Mumbai, Lucknow, Kanpur, Jaipur, Delhi, Gurugram covered: Central Board of Direct Taxes
— ANI (@ANI) September 18, 2021
మూడో రోజు ముంబైలోని సోనూసూద్ నివాసంతో పాటు, నాగపూర్, జైపూర్ లో ఏకకాలంలో సోదాలు కొనసాగిస్తున్నారు. అయితే ఈ తనిఖీలలో భారీ మొత్తంలో పన్ను ఎగవేతను గుర్తించారని సమాచారం. బాలీవుడ్ నుంచి తీసుకున్న పేమెంట్లు, సోను సూద్ వ్యక్తిగత ఆదాయంలో పన్ను ఎగవేతను గుర్తించినట్లుగా తెలుస్తోంది. ఇదే సమయంలో సూద్ చారిటీ ఫౌండేషన్ బ్యాంకు ఖాతాలను కూడా ఐటి అధికారులు పరిశీలిస్తున్నారు.
రాజకీయ పార్టీలు సోను సూద్ పై కొనసాగుతున్న ఐటీ తనిఖీలపై మండిపడుతున్నాయి. బీజేపీ కావాలనే సోను సూద్ ను టార్గెట్ చేస్తుందని, తమకు అనుకూలంగా లేని వారిని బెదిరించే క్రమంలోనే కేంద్ర సంస్థలను ఉపయోగిస్తుందని బీజేపీపై శివసేన, ఆప్, కాంగ్రెస్ విమర్శలు గుప్పిస్తున్నాయి.
ఇవీ చదవండి..