ఎండాకాలం ,ఎండలు ముదిరి పోతున్నాయి . తల బయట పెట్టలేని పరిస్థితి. ఎండల్లో చాలామంది ఫ్రిజ్లో చల్ల నీళ్లు తాగి సేదతీరాలని ఆశపడుతుంటారు . అయితే కర్ణాటకలోని శివమొగ్గలో ఓ పాము ఫ్రిజ్ లో సేద దీరింది.. పుట్టలోనో , పొదల్లోనో ఉండాల్సిన పాములు ఫ్రిజ్ లో కూడా ఉంటాయా అని తెలిస్తే మనం ఆశ్చర్యపోవాల్సిందే . ఎండకు తాళలేకనో , లేదంటే యజమాని తెచ్చిన వస్తువుల్లో దూరి వచ్చిందో ,తెలియదు గానీ కర్ణాటక రాష్ట్రంలోని శివమొగ్గ ఒకరింట్లో ఫ్రిజ్ లో పాము తాండవించింది .
పాపం కూల్ వాటర్ కోసం ఫ్రిజ్ తీస్తే ఉల్లిపాయలు ట్రే లో పాము బుస కొట్టింది. దీంతో భయపడిపోయిన ఇంట్లో మహిళలు బయటకు పరుగులు తీశారు. ఆ తర్వాత ఇంటి యజమాని , స్నేక్ క్యాచర్ కిరణ్ కు సమాచారం అందించారు . అతడు వెంటనే వచ్చి ఫ్రిజ్ లో ఉన్న పాముని పట్టుకుని అడవిలో వదలి వేశాడు . ఇంతకీ పాము ఫ్రిజ్ లోకి ఎలా దూరింది అన్న విషయం మాత్రం సస్పెన్స్ గానే ఉంది . మొత్తానికి ఎలాగో కాసేపు ఫ్రిజ్ లో ఉండి చల్లగా సేదదీరింది..
