సోద‌రీ సోద‌రుల బంధానికి ప్ర‌తీక‌గా నిలిచే ర‌క్షాబంధ‌నంలో ఈ అక్కాచెల్లెళ్ళ‌ది ఒక ప్ర‌త్యేక‌త. అక్ష‌త్ అనే తమ్ముడికి ఈ అక్క‌చెల్లెళ్ళు ఇద్ద‌రూ రాఖీలు క‌ట్టారు. ఆ త‌మ్ముడి ప్రాణాల‌ను నిలుపుకుని కంటికి రెప్ప‌లా కాపాడుకుంటున్నారు. ఉత్త‌ర‌ప్ర‌దేశ్ లోని బుధ‌వ‌న్ లో నేహా, ప్రేర‌ణ అనే ఈ అక్కలు ఇద్ద‌రూ చావుబ‌తుకుల్లో ఉన్న త‌మ తమ్ముడికి లివర్ దానం చేశారు.
తమ్ముడికి ఆ విధంగా బ‌తికించుకుని ఇప్ప‌టికీ కంటిపాప‌లా చూసుకుంటున్నారు. 14 ఏళ్ళ వ‌య‌సుకే 92 కిలోలు బ‌రువు ఉన్న అక్ష‌త్ కు క్ర‌మంగా లివర్ ట్ర‌బుల్ వ‌చ్చి అది ప్రాణం మీద‌కి తెచ్చింది. అత్యంత అరుదైన‌రీతిలో ఈ బాలుడికి లివర్ ట్రాన్స్ ప్లాంటేష‌న్ స‌ర్జ‌రీ చేయాల్సి వ‌చ్చింది. డాక్ట‌ర్లు ఇద్ద‌రు అక్క‌ల శ‌రీరం నుంచి లివర్ తీసుకుని, ఆప‌రేష‌న్ చేసి లివర్ మార్పిడి చేశారు. మామూలుగా ఒక‌రి నుంచే లివర్ తీసుకుంటారు. అయితే ఈ బాలుడికి ఎక్కువ మొత్తంలో లివర్ పెట్టాల్సి రావ‌డంతో, ఇద్ద‌రి నుంచి లివర్ తీసుకున్నారు. తోడ‌పుట్టిన అక్కలే కాబ‌ట్టి లివర్ స‌రిపోయింది. అక్క‌త‌మ్ముళ్ళ మ‌ధ్య అనుబంధానికి ఇదో నిద‌ర్శ‌నం.
ఇవీ చదవండి..
