రక్షణ దళాల ప్రధాన అధిపతి తన కుటుంబం, మరియు ఇతర అధికారులతో కలసి ప్రయాణిస్తున్న హెలికాప్టర్ తమిళనాడులోని కూనూర్ ప్రాంతంలో కూలిపోవడానికి దట్టమైన మంచు వాతావరణమే కారణం అని చెబుతున్నారు. అయితే ఈ హెలికాప్టర్ ప్రమాదం జరగడానికి ఇప్పుడు అనేక అనుమానాలు వ్యక్తమవుతున్నాయి. రక్షణ దళాల ప్రధాన అధిపతి, ప్రయాణించే హెలికాప్టర్ అంటే, దాన్ని పూర్తిగా తనిఖీ చేసి ఇబ్బంది లేకుండా చేయవలసి ఉంటుంది. అత్యంత ఉన్నతమైన భద్రతా ప్రమాణాలను ఈ హెలికాప్టర్ ప్రయాణంలో వినియోగించాల్సి ఉంటుంది. ఆయన ప్రయాణిస్తున్న హెలికాప్టర్, రష్యా కు చెందిన ఖజన్ హెలికాప్టర్స్ కు చెందిన russi aరకానికి చెందినది. 9ఏళ్ల క్రితమే ఈ హెలికాప్టర్ ను భారత వైమానిక దళంలోకి తీసుకున్నారు.
రక్షణ రంగానికి చెందిన హెలికాప్టర్లలో ఇది సాంకేతికంగా అత్యున్నతమైనది. ఈ హెలికాప్టర్ టేకాఫ్ సమయంలో 13వేల కిలోల బరువుని తీసుకుపోగలదు. 36మంది సైనికులను లేదా 4,500కిలోల సరకులను కూడా మోయగలదు. ప్రతి MI17-V5 హెలికాప్టర్ కు నేవిగేషన్, ఎలక్ట్రానిక్ డిస్ ప్లే సిస్టమ్ ఉంటుంది. ప్రపంచంలోనే ఈ హెలికాప్టర్లను అత్యున్నతమైనవిగా పరిగణిస్తారు.
యుద్ధ హెలికాప్టర్లకు ఎస్కార్ట్ గా యుద్ధాలకు ఆయుధాలను తీసుకునిపోవడం, సరిహద్దుల వద్ద పహారా కాయడానికి ఈ హెలికాప్టర్లను వాడతారు. ప్రధాన మంత్రి, హోమ్ మినిస్టర్ కార్యాలయాల పనులకోసం కూడా దీన్ని వాడతారు. రెండేళ్ల క్రితమే అగ్రిమెంట్ ప్రకారం రష్యా కంపెనీ ఈ హెలికాప్టర్లకు మరమ్మతులు చేసి సర్వీసింగ్ చేసి ఇచ్చింది. ప్రస్తుతం మనదేశంలో ఇలాంటి హెలికాప్టర్లు 200 వరకు ఉన్నాయి.
శత్రువులు ఈ హెలికాప్టర్ పై ఆయుధాలను ప్రయోగించినా, రక్షించుకునే బులెట్ ప్రూఫ్ రక్షణ వ్యవస్థ దీని ప్రత్యేకత. ఎ.ఎఫ్.టి మిషన్ల గన్లను అమర్చుకునే సౌకర్యం కూడా ఈ హెలికాప్టర్లకు ఉంటుంది. ఒకవేళ హెలికాప్టర్ ఫ్యూయల్ ట్యాంక్ లో పేలుడు సంభవిస్తే, దానినుంచి రక్షణ పొందేందుకు అవసరమైన పాలీ యురిత్రేనే ఫోమింగ్ సిస్టమ్ కూడా ఈ హెలికాప్టర్ ప్రత్యేకత. జామర్లు కూడా ఈ హెలికాప్టర్లకు ఉంటాయి.
ప్రస్తుతం ప్రమాదానికి గురైన ఈ హెలికాప్టర్ కు క్షిపణులు, S8 రాకెట్లు, 23ఎంఎం మిషన్ గన్లు, వికెటి మిషన్ గన్లు, ఎకెఎం మిషన్ గన్లు అమర్చి ఉంటారు. అంతటి పగడ్బందీగా రక్షణ వ్యవస్థ కలిగి ఉండే అత్యంత సాంకేతికతతో కూడిన ఈ హెలికాప్టర్ ప్రమాదానికి గురికావడం నిజంగా దురదృష్టకరం అయినా, ఇప్పుడు యద్ధ హెలికాప్టర్ల పనితీరుపైన, ఒక అత్యున్నతమైన సైనిక దళాల అధిపతి ప్రయాణించేటపుడు అనుసరించాల్సిన ముందస్తు జాగ్రత్తతలపైనా చర్చ నెలకొని ఉంది.
