విమానంలో ఆకాశంలో ఉండగా అకస్మాత్తుగా పైలెట్ అస్వస్థతకు గురైతే ఏం చేయాలి ..? కో పైలెట్ కూడా లేని ఆ విమానంలో జరిగిన ఈ సంఘటన సంచలనమైంది. అసలు విమానం నడపడం చేతగాని వ్యక్తి ఆ పైలెట్ స్థానంలో కూర్చుంటే ఆ విమానం క్షేమంగా ల్యాండ్ కాగలదా ప్రశ్న ఎలా ఉన్నా .. అమెరికాలో ఇది జరిగింది. 14 మందితో పోతున్న సెస్నా విమానం ఆకాశంలో పోతోంది . ఇది ఫ్లోరిడా ఎయిర్ పోర్ట్ లో దిగాల్సి ఉంది .
అయితే విమానం ఆకాశంలో ఉండగానే ,పైలెట్ కు గుండెపోటు వచ్చింది . దీంతో ఎయిర్ ట్రాఫిక్ కంట్రోల్ అధికారులుకంగారు పడ్డారు. పైలెట్ విలవిలలాడిపోతూ ఉండగా విమానంలోని ఓ ప్రయాణికుడు ధైర్యం చేసి ఆ సీట్లో కూర్చున్నాడు .
ఎయిర్ ట్రాఫిక్ అధికారుల సూచనలతో విమానాన్ని కంట్రోల్ చేసి పామ్ బీచ్ ఎయిర్ పోర్ట్ లో దించేశాడు. నిజంగా ఇది ఒక అద్భుతమైన విషయమని అధికారులు చెబుతున్నారు. విమానం నడపడం చేతకాని ఆ వ్యక్తి , కంట్రోల్ రూమ్ ఇచ్చిన ఆదేశాలను ఖచ్చితంగా పాటించే క్షేమంగా ఎయిర్ పోర్ట్ లో దించడం గొప్ప విషయమని ప్రపంచంలో జరిగే అద్భుతాలలో ఇదొకటని ప్రశంసించారు.
