ముసలోడికి దసరా పండగ వచ్చిందనుకున్నాడు.. సరదా తీర్చుకోవాలనుకున్నాడు.. 73 ఏళ్ళ వయసులో ఒక డేటింగ్ యాప్ లో , అమ్మాయితో డేటింగ్ కోసం ప్రొఫైల్ అప్ లోడ్ చేసాడు. ఈ వయసులో అమ్మాయి దొరికితే , సరదాగా గడిపేద్దామనుకున్నాడు.. అయితే పాపం రివర్స్ కావడంతో , కేకలు పెడుతూ పోలీస్ స్టేషన్ కు పరుగెత్తాడు.. ముంబైలోని అంబరనాథ్ ఏరియాలో , ఈ 73 ఏళ్ళ దసరాబుల్లోడికి , ఏప్రిల్ నెలలో లండన్ కి చెందిన దాన్నంటూ ఎడిత్ అనే అమ్మాయి ఆన్ లైన్లో పరిచయం అయింది.. అప్పటినుంచి ఇద్దరూ తెగ చాటింగ్ చేసుకుంటున్నారు. ముసలోడి చాటింగ్ చూసి , పోలీసులు ముసిముసిగా నవ్వుకున్నారు.. అబ్బో పెద్ద రసికుడే అనుకున్నారు.. ఈ నెల మొదటివారంలో అమ్మాయికి ఇండియాకి రమ్మని రెండు లక్షలు పంపాడు. తరువాత అమ్మాయి , ఎయిర్ పోర్ట్ లో ఉన్నానని , ఏవో డాక్యుమెంట్లు లేవని , 4 లక్షల , 30 వేలు డిపాజిట్ కడితే బయటకు పంపిస్తారని , తర్వాత ఆ డబ్బులు ఇచ్చేస్తారని చెప్పింది. ముసలోడు , అమ్మాయి చెప్పినట్టు , ఆదరాబాదరా , డబ్బులు వేసేశాడు.. తర్వాత అమ్మాయి ఫోన్ స్విచాఫ్.. మోసపోయానని తెలుసుకొని మనోడు స్టేషన్ కి పరుగుతీశాడు.. తర్వాత కథ మూమూలే..
