హోటల్స్ లో సాంబార్ లో బొద్దింక , పప్పులో బల్లి.. అన్నంలో పురుగులు.. ఇలాంటి వార్తలు సహజమే.. అయితే ఏకంగా ఉప్మాలో పాము పిల్ల చచ్చి పడింది.. పాముపిల్లతో పాటే ఉప్మా వండేశారు.. కర్ణాటక రాష్ట్రంలోని , బళ్లారి జిల్లా అబ్బెతుమకూరు గ్రామంలోని ఒక రెసిడెన్షియల్ పాఠశాల హాస్టల్లో ఉదయాన్నే ఉప్మాతిన్న విద్యార్థుల్లో 58 మందికి అస్వస్థత కలిగింది. దీంతో అందరినీ హాస్పిటల్ కి తరలించారు. హాస్పిటల్లో డాక్టర్లు , విద్యార్థులు తిన్న ఉప్మా శాంపిల్స్ తెమ్మన్నారు. మిగిలిన ఉప్మాను చూస్తే , లోపల పాముకూడా ఉప్మా లాగే ఉడికిపోయి కనిపించింది.. దీంతో పోలీసులు దీనిపై కేసు నమోదు చేసి విచారిస్తున్నారు..