దేశవ్యాప్తంగా ఒమిక్రాన్ కేసులు ఎక్కువగా ఉన్న రాష్ట్రాల్లో మన పొరుగు రాష్ట్రం తెలంగాణ తొలి మూడు స్థానాల్లో ఉంది. ఇక ఏపీ విషయానికొస్తే.. ఏపీలో తొలి కేసు విజయనగరం జిల్లాలో నమోదయినా.. ఆ ఫలితం వచ్చేలోపు అతడికి కొవిడ్ నెగెటివ్ వచ్చిందని ఆ కేసుని లిస్ట్ లోకి తీసుకోలేదు. తాజాగా తిరుపతిలో మరో కేసు నమోదయింది. కెన్యా నుంచి తిరుపతి వచ్చిన మహిళకు ఒమిక్రాన్ నిర్ధారణ అయినట్లు రాష్ట్ర వైద్య ఆరోగ్యశాఖ వర్గాలు వెల్లడించాయి. 39 ఏళ్ల ఆ మహిళ ఈనెల 12న కెన్యా నుంచి చెన్నై వచ్చారు.
అక్కడి నుంచి తిరుపతి చేరుకున్న మహిళ నమూనాలను సేకరించి జీనోమ్ సీక్వెన్సింగ్ కు పంపారు. ఆమెకు ఒమిక్రాన్ సోకినట్లు తాజాగా నిర్ధారణ అయింది. అయితే ఆ మహిళ కుటుంబసభ్యులకు మాత్రం నెగటివ్ వచ్చినట్లు వైద్యశాఖ వర్గాలు వెల్లడించాయి. ఏపీలో తొలి ఒమిక్రాన్ కేసు విజయనగరం జిల్లాలో నమోదు కాగా రెండో కేసు చిత్తూరు జిల్లాలో వెలుగులోకి వచ్చింది.
ఇవీ చదవండి…
