ఆన్ లైన్ డెలివరీ లో వెజ్ ఐటెం ఆర్డర్ చేస్తే నాన్ వెజ్ వచ్చిందనుకోండి.. ఇంకేముంది యెగిరి గంతేసి తినేస్తాం.. అదే శాకాహారులు , ఆర్డర్ చేసిన డిష్ కాకుండా , నాన్ వెజ్ డిష్ వచ్చిందనుకోండి.. ఇంకేముంది , అపచారం అంటూ గగ్గోలు పెట్టేస్తారు. ఖచ్చితంగా అలాంటి సంఘటనే ఇది.. గ్వాలియర్ జివాజి క్లబులో సభ్యుడైన సిద్దార్ధ్ శ్రీవాత్సవ , ఆన్ లైన్ లో , పన్నీర్ కర్రీ ఆర్డర్ చేసాడు.
అయితే , డెలివరీలో ఆయనకు చికెన్ ఐటెం వచ్చింది. అదికూడా , తందూరీ చికెన్.. ఆయనేమో పక్కా శాకాహారి.. పార్సిల్ విప్పి చూసి , ఆశ్చర్యపొయ్యాడు. వెంటనే బయటపారేసి , ఇల్లంతా కడిగేసి , పూజలుచేసి , ప్రాయశ్చిత్తం చేసుకున్నాడు. చివరకు ఈ సంఘటనపై కోర్టుకెళ్లాడు. కోర్టులో విచారణ తరువాత 20 వేల రూపాయలు ఫైన్ వేశారు.. ఇతరులకు ఇలా జరగకూడదనే తాను కోర్టుకు పోయానని చెప్పాడు..
