హోటల్లో టిఫిన్ చేసి , దానికి కట్టిన బిల్లుపై , ఓ ఎమ్మెల్యే నానాయాగీ చేశాడు.. ఈ ఎమ్మెల్యే రచ్చ చివరకు విచారణలకు , మంత్రివర్గంలో చర్చకు దారితీసిందట.. కేరళలోని అలప్పుజా నియోజకవర్గ ఎమ్మెల్యే చిత్తరంజన్ ఆపం , కోడిగుడ్డు ,వివాదం ఇప్పుడు అందరి దృష్టిని ఆకర్షిస్తుంది . ఇంతకీ ఆ వివాదం కిందిస్థాయి అధికారుల నుంచి మంత్రివర్గ సమావేశంలో చర్చకు దారితీసింది. అదేదో సామెతగా ఏమీ పని లేక పిల్లి తల గొరిగినట్లు ఈ ఎమ్మెల్యే ఆ సమస్యను పట్టుకుని గొడవ చేస్తున్నారు. చివరకు జిల్లా కలెక్టర్, ఏకంగా ఎమ్మెల్యే టిఫిన్ బిల్లుపై జిల్లా పౌరసరఫరాల శాఖ అధికారులు దర్యాప్తు జరపాల్సిందిగా ఆదేశించారు.. ఇంతకీ సమస్య ఏంటో తెలుసా ?? సమస్య వింటే నవ్వొస్తుంది . ఎమ్మెల్యే ఒక హోటల్లో నాలుగు ఆపాలు , రెండు మసాలా కోడిగుడ్లు తిన్నాడు..
ఆయన టిఫిన్ కి ఆ హోటల్ వాళ్ళు 184 రూపాయలు బిల్లు వేశారు . 184 రూపాయలు ఎందుకు అయింది అని అడిగితే ఒక ఆపం 15 రూపాయలు అని , కోడి గుడ్డు మసాలా కి 50 రూపాయలు అయిందని చెప్పారు. ఫ్యాన్ గాలికి ఎగిరిపోయే ఆపం కి 15 రూపాయలు అన్యాయమని , రెండు కోడిగుడ్లు మసాలాలకు కలిపి 50 రూపాయలు ఎందుకంటూ హోటల్లో గొడవ చేసాడు. హోటల్ లో ఏసీ కూడా లేదని బయట మాత్రం ఎసి అని బోర్డు ఉందని అభ్యంతరం చెప్పాడు. లోపల రెస్టారెంట్ లో మెనూ కూడా చేతికి ఇవ్వలేదని , తన చేత డబ్బులు కట్టించారని చెప్పాడు . అదే హోటల్లో భోజనం 100 రూపాయలు తీసుకుంటున్నారని విచారణ జరపాల్సిందిగా జిల్లా కలెక్టర్ ను కోరారు. జిల్లా కలెక్టర్ దీనిపై విచారణ చేసి , హోటల్ పై చర్యలు తీసుకోలేమని కలెక్టర్ స్పష్టం చేసింది.. దీంతో తన సమస్యను ముఖ్యమంత్రికి ఒక పిటిషన్ పంపించారు ఈ ఎమ్మెల్యే పిటిషన్ సోషల్ మీడియాలో రావడంతో ఇది ఇప్పుడు మంత్రివర్గ సమావేశంలో చర్చకు దారితీసింది..
