డోలో , డోలో ..కరోనా టైంలో ఇదే పాట .. డాక్టర్లు , మందుల షాపులు, చివరకు పేషేంట్లు.. డోలో మాత్ర చాలాకాలంగా వాడకంలో ఉన్నప్పటికీ , కరోనా టైంలో పాపులర్ అయింది. అయితే ఇదే కెమికల్ కాంబినేషన్ తో ఉన్న ఇతర మాత్రలు మూలపడగా , ఇదొక్కటే అందరి నోళ్ళలో ఎందుకు నానిందో తెలుసా.. ? సింపుల్ గా , డాక్టర్లకు , మందుల షాపులకు ఇచ్చిన కమీషన్ ..అదెంతో తెలుసా..? అక్షరాలా వెయ్యి కోట్లు.. మైక్రో లాబ్స్ తయారుచేసే ఈ టాబ్లెట్ పాపులారిటీ సంగతెలా ఉన్నా , దానివెనుక మోసమే ఇప్పుడు , ఆ కంపెనీని ఇబ్బందుల్లోకి నెట్టింది.
ఈ నెల 6 తేదీన ఆ కంపెనీపై ఇన్ కం టాక్స్ అధికారులు దాడులు చేశారు. ఈ దాడుల్లో వందల కోట్లలో అక్రమాలు , పన్ను ఎగవేసిన వ్యవహారాలు బయటపడ్డాయి. ఇప్పుడు తాజాగా , లెక్కలన్నీ చూస్తే , ఈ టాబ్లెట్ రాసినందుకు , అమ్మినందుకు , ప్రమోషన్ చేసినందుకు కమీషన్ కింద డాక్టర్లకు , మందుల షాపులకు వెయ్యి కోట్లు కమీషన్ ఇచ్చినట్టుతెలింది. దీంతో ఈ కంపెనీపై కేసు నమోదు చేసేందుకు అధికారులు సిద్ధమయ్యారు. ఇదికాకుండా మరో 300 కోట్ల రూపాయలు తప్పుడు లెక్కలు చూపి టాక్స్ ఎగ్గొట్టినట్టు తేల్చారు..
