ప్రియురాలికి పెళ్లి జరుగుతుండగా చివరి నిమిషంలో ప్రియుడు రావడం , పెళ్లికూతురు మెడలో బలవంతంగా తాళి కట్టడం , తరువాత తీసుకెళ్లడం ఇవన్నీ గతంలో సినిమాల్లో చూస్తే నోరు తెరిచే వాళ్ళం. ఇది సాధ్యమా అని అనుకునే వాళ్ళం . అయితే ఇప్పుడు ఇవి చాలా కామన్ అయిపోయాయి పెళ్లి కూతురు తాను ప్రియుడు కోసం ఎదురు చూస్తున్నానని చెప్పాడం , పెళ్లి పీటలపైనుంచే లేచి వెళ్లిపోవడం , పెళ్ళికిముందు , పెళ్లి వద్దని చెప్పడం , ఇలాంటివి కామన్ అయిపోయాయి .
ఇప్పుడు బీహార్ లో కూడా అలాంటి సంఘటనే జరిగింది. పాట్నాలో ఒక పెళ్ళిలో పెళ్ళికొడుకు ,పెళ్ళికూతురు దండలు మార్చుకుని ,ఇక నుదుట సింధూరం , పెట్టె కార్యక్రమం ప్రారంభం కాబోతుంది . ఆ టైంకే ప్రియుడు ఎంటర్ అయిపోయాడు. పెళ్లి కొడుకు చేతిలో పూల మాల లాగేసుకుని , పెళ్లి కూతురి మెడలో వేశాడు . పురోహితుణ్ణి కొట్టి అతడి చేతిలో నుంచి సింధూరం లాక్కొని , ఆమె నుదుట దిద్దేశాడు.. ఆ తర్వాత తాళి కూడా కట్టేసాడు .
క్షణాల్లో జరిగిపోయిన ఈ సంఘటననుంచి తేరుకున్న బంధువులు ప్రియుడు అమిత్ కుమార్ పై దాడి చేశారు. అయితే పెళ్లికూతురు అడ్డుపడి , అతడిని కొట్టొద్దని , తానే ఇలాచెయ్యమన్నానని చెప్పింది. పెళ్ళికొడుకు అక్షయ్ కుమార్ మాత్రం పెళ్లికూతురు ఇదివరకే మరొక వ్యక్తితో సంబంధం ఉండటంతో ఆమెను పెళ్లి చేసుకోలేదని పెళ్లి అని చెప్పాడు . ఆమె కూడా తాను ప్రియుడితోనే ఉంటానని చెప్పేసింది. ఆ తర్వాత పోలీస్ పంచాయితీలో , పెళ్లికొడుక్కి , ఖర్చులు ఇప్పించేసారు.. పెళ్లి కూతురు ప్రియుడితో సంతోషంగా వెళ్ళిపోయింది..
