గుంటూరు జిల్లాలోని నందివెలుగు గ్రామానికి చెందిన వీరాంజనేయులు అనే వ్యక్తిని ఓ పాము కరిచింది. దీంతో అతడు వెంటనే ఆ పామును పట్టుకొని ఓ డబ్బాలో పెట్టుకొని.. ఆసుపత్రికి వెళ్ళాడు.. దీంతో వైద్యులు, ఆసుపత్రి సిబ్బంది అవాక్కయ్యారు. తనను ఏ పాము కరచిందో తెలియదని.. అందుకే ఇలా పామును పట్టుకొని.. ఆసుపత్రికి తీసుకొచ్చానని చెప్పాడు. ఆ పామును చూసిన స్థానికులు దానిని త్రాచుపాముగా గుర్తించారు. అయితే ప్రస్తుతం వీరాంజనేయులు ఆరోగ్య పరిస్థితి మాత్రం మెరుగ్గా ఉందని వైద్యులు తెలిపారు. తనకు వైద్యం పూర్తికాగానే త్రాచుపామును జన సంచారం లేని ప్రాంతంలో వదిలేస్తానని వీరాంజనేయులు చెబుతున్నాడు.
ఇవీ చదవండి..
