తండ్రి ఆస్తికోసం , అన్నను , మేనకోడలిని చంపి , వదినపై కూడా హత్యాయత్నం చేసిన , మహిళా డాక్టర్ కిన్నెరకు , గుజరాత్ లోని పతాన్ కోర్టు యావజ్జీవ శిక్ష విధించింది. దారుణమైన ఈ హత్యాకాండలో లేడీ డాక్టర్ తన కుట్రను తెలివిగా అమలుచేసినా , చివరకు తండ్రి అనుమానంతో , కూతురు రాక్షసత్వం బయటపడింది. కిన్నర , ఆమె అన్న , వదిన ముగ్గురూ డాక్టర్లే.. తండ్రి వ్యాపారం పనిమీద బయటకు వెళ్లిన సమయంలో , ఆమె అన్నకు , ఉమ్మెత్త విత్తనాలు కలిపిన రసాయనాన్ని కూల్ డ్రింక్ లో పోసి ఇచ్చింది. ఈ డ్రింక్ తాగిన అన్న జిగార్ స్పృహ కోల్పోయాడు. ఆ సమయంలో , తాను స్వంతంగా తయారుచేసిన సైనేడ్ క్యాప్సూల్ ని , అన్న నోట్లో వేసి , చనిపోయేట్టు చేసింది. సహజమరణంగా భావించి కర్మకాండ పూర్తి చేశారు.
తరువాత 15 రోజులకు , అదేవిధంగా వదినకు కూడా ఉమ్మెత్త విత్తనాలు కలిపిన రసాయనాన్ని కూల్ డ్రింక్ లో పోసి ఇచ్చింది. ఆమె స్పృహ కోల్పోయిన పరిస్థితుల్లో హాస్పిటల్ కి తీసుకుపోయారు. ఆ సమయంలో ఇంట్లోనే ఉన్న అన్న కూతురు 14 నెలల మేనకోడలు నోట్లో సైనేడ్ మాత్ర పెట్టి చంపేసింది. హాస్పిటల్లో ఆమె వదిన వైద్య పరీక్షలో డాక్టర్లు , అనుమానం వ్యక్తంచేశారు. అదే సమయంలో ఇంట్లో చనిపోయిన బిడ్డ శవానికి పోస్టుమార్టం చేస్తే , విషప్రయోగం జరిగిందని తేలింది. దీంతో తండ్రి ఫిర్యాదు మేరకు , కొడుకు జిగార్ , శవాన్ని వెలికితీసి , పరీక్షచేస్తే , సైనేడ్ ప్రయోగించి చంపినట్టు తేలింది. కిన్నరను అదుపులోకి తీసుకొని ప్రశ్నించగా , ఆమె చేసిన నేరం ఒప్పుకుంది. న్యాయస్థానం ఇప్పుడు ఆమెకు యావజ్జీవ శిక్ష విధించింది..
