ఆ అత్తమామలు , తల్లితండ్రుల కంటే బాధ్యత కలిగినవాళ్లు.. ఒక రకంగా ఆ కోడలికి ప్రత్యక్ష దేవుళ్ళు.. కన్నబిడ్డను పోగొట్టుకున్న దుఃఖంలోనూ , వాళ్ళు కోడలి సుఖాన్నే చూసారు.. ఆమె నుదుట చెరిగిన కుంకుమను మళ్ళీ దిద్దించారు..,ఆమెకు పసుపు , కుంకుమలు ప్రదానం చేయడమేకాదు , తండ్రి స్థానంలో మామ దగ్గరుండి , కన్యాదానం చేసి , కట్నకానుకలు ఇచ్చాడు..
కోడలి భవిష్యత్తు కోసం , ఫిక్స్డ్ డిపాజిట్ కూడా వేశారు.. రాజస్థాన్ కి చెందిన రమేష్ చాంద్ , సోని లకు ముఖేష్ కొడుకు.. 2003 లో కొడుక్కి పూజ అనే అమ్మాయినిచ్చి పెళ్ళిచేసారు. విధికి కన్నుకుట్టింది.. ముఖేష్ కరోనా బారిన పడి రెండేళ్లక్రితం చనిపోయాడు.
అప్పటినుంచి కోడలు గురించే ఆలోచించారు.. ఆమెకు నచ్చజెప్పి , మరో యువకుడికోసం వెదికి , పెళ్లి చేశారు.. కోడలిని కూతురుగా దత్తత తీసుకున్నారు.. ఇలాంటి అత్తమామలు , మానవత్వం బతికేఉందనడానికి నిదర్శనాలు..
