అలవాటులో పొరపాటు మన పోలీసులే కాదు , అమెరికా పోలీసులు కూడా చేసేస్తుంటారు . ప్రపంచంలోనే ప్రతిభావంతులైన పోలీస్ గా పేరుపొందిన న్యూయార్క్ పోలీసు ఇప్పుడు దాదాపు 220 కోట్ల రూపాయల పరువు నష్టం దావా కేసులో చిక్కిపోయింది . ఇంతకీ దీని వెనక కథేమిటో చూడండి. ఇంస్టాగ్రామ్ లో పాపులర్ మోటివేటర్ అయిన ఇవాలోపేజ్ అనే మహిళ , దొంగతనం కేసులో పరారీలో ఉందని పోలీసులు ప్రకటించారు. ఆమె ఫొటోతో సహా పోస్టర్లు వేసి నగరమంతా పంచారు.
ఎయిర్ పోర్ట్, రైల్వే స్టేషన్ , బస్టాండ్ వద్ద ప్రముఖంగా పెట్టారు. పోస్టర్లు కూడా ఉంచారు. అసలు విషయం ఏమిటంటే , ఆమెకు ఈ దొంగతనానికి ఎటువంటి సంబంధం లేదు. అసలు దొంగను వదిలేసి ఆమె ఫొటోతో కరపత్రాలను ముద్రించారు . క్లారా అనే అమ్మాయి తన స్నేహితురాలు తన గదిలో డబ్బు, నగలు , రోలెక్స్ వాచీ తీసుకుని పారిపోయిందని పోలీసులకు ఫిర్యాదు చేసింది.
ఆసమయంలో ఆ యువతి ఇచ్చిన తన స్నేహితురాలి ఫోటో పక్కన పెట్టేసిన పోలీసులు, ఇంస్టాగ్రామ్ లో , లోపెజ్ ఇవా ఫోటో చూసి అదే ఆ యువతి ఫోటో అనుకొని పోస్టర్లు వేశారు. ఇంస్టాగ్రామ్ , ట్విట్టర్ లలో కూడా దీన్ని షేర్ చేశారు . దీంతో పోలీసులు తనను దొంగగా పోస్టర్లు వేశారని , తన పరువు పోయిందని దావా వేసింది.
ఇప్పుడు పోలీసులు ఆ యువతికి వంద కోట్ల రూపాయలకు తగ్గకుండా నష్ట పరిహారం చెల్లించాల్సి ఉంటుంది . అసలు ఇంస్టాగ్రామ్ లో ఉన్న ఇవా ఫోటో , దొంగ ఫోటో స్థానంలో ఎలా వచ్చిందని ఇప్పుడు పోలీస్ ఉన్నతాధికారులు తలలు పట్టుకుంటున్నారు.
