ఇటీవల హెలికాప్టర్ ప్రమాదంలో సీడీఎస్ బిపిన్ రావత్ సహా మరో 13మంది చనిపోయిన సంగతి తెలిసిందే. కళ్లముందే ఆ ఘోరం కనపడుతోంది. ఈ దశలో విమానం, హెలికాప్టర్ గురించి ఏ వార్త తెలిసినా జనం భయాందోళనలకు గురవుతున్నారు. సరిగ్గా ఈ ఉదయం ఎమ్మెల్యే రోజాతోపాటు పలువురు ప్రముఖులు ప్రయాణిస్తున్న ఇండిగో విమానంలో సాంకేతిక సమస్య తలెత్తిందనే వార్త అందరికీ ఆందోళన కలిగించింది. రేణిగుంటకు రావాల్సిన ఈ విమానాన్ని దారి మళ్లించడంతో అందులో ఉన్న ప్రయాణికులు కూడా గుండెలు గుప్పెట్లో పట్టుకుని భయపడుతూ ఉన్నారు. రాజమహేంద్రవరం నుంచి రేణిగుంట వెళ్లాల్సిన ఈ విమానం. సాంకేతిక సమస్యలు తలెత్తడంతో ల్యాండింగ్ సాధ్యం కాలేదు. దీంతో విమానాన్ని బెంగళూరుకి తరలించారు. విమానంలో రోజాతో పాటు 70 మంది ప్రయాణికులు ఉన్నారు.
