మహిళలు వళ్ళంతా కనపడేవిధంగా వేసుకునే డ్రస్సులవల్లనే అత్యాచారాలు జరుగుతున్నాయని పాకిస్తాన్ ప్రధాని ఇమ్రాన్ ఖాన్ వ్యాఖ్యలపై దుమారం చెలరేగింది. మహిళలు కురచ దుస్తులు వేసుకుని కనపడితే , మగవాళ్లకు అలాంటి ఆలోచనలు రాకుండా ఎలాఉంటాయి..? వాళ్ళేమైనా రోబోట్ లా .. అని ప్రశ్నించారు. ఇప్పుడు మనం చూసేది సాంస్కృతిక సామ్రాజ్యవాదమని అన్నారు. ఇది అన్నిచోట్లా ఉంది.. మనం అంగీకరించాల్సిందే అన్నారు. ఈ వ్యాఖ్యలతో మేధావి వర్గాలలో తీవ్ర నిరసన వ్యక్తమైంది. అతడు మహిళా ద్వేషి అని తిట్టిపోశారు. మహిళలు వళ్ళు కనపడే డ్రెస్సులు చూసి , సహజంగానే మగాళ్లు ఉద్రేకానికి లోనవుతారని , వాళ్ళేమీ రోబోట్లు కాదుకదా అనడం క్షమించరాని నేరమని రీమా ఒమర్ అన్నారు. ఆమె అంతర్జాతీయ న్యాయ కమీషన్ లో జడ్జి గా ఉన్నారు.
