సోషల్ మీడియా లో పరిచయాలు , ప్రేమలపేరుతో అక్రమసంబందాలు ఎన్నో కుటుంబాలను చిద్రం చేస్తున్నాయి.. కొన్ని సంఘటనల్లో మగాళ్లను , మహిళలను లోబరుచుకుని , బ్లాక్ మెయిల్ చేస్తే , మరికొన్ని సంఘటనల్లో , మహిళలు , మగాళ్లకు ట్రాప్ వేసి తర్వాత బ్లాక్ మెయిల్ చేస్తున్న ఘటనలూ ఎక్కువగానే ఉన్నాయి.. దీనికి హనీట్రాప్ అనే అందమైన పేరుకూడా పెట్టారు.
ఇప్పుడు బెంగుళూరులో ఇటీవల ఆత్మహత్య చేసుకొని చనిపోయిన అనంతరాజు అనే వ్యక్తి , ఓ మహిళ బ్లాక్ మెయిల్ కారణంగా ఆత్మహత్య చేసుకున్నాడని తేలింది. అతడు చనిపోయిన వారానికి ఇంట్లో దొరికిన సూసైడ్ నోట్ లో ఈ విషయం బయటపడింది.. అనంతరాజుకు , ఫేస్ బుక్ లో , బెంగుళూరు కేఆర్ పురానికి చెందిన రేఖ అనే మహిళతో పరిచయం , అక్రమసంబంధానికి దారితీసింది..
తరువాత రేఖ , అనంతరాజు తనతో బెడ్ రూమ్ లో ఉండే సమయంలో రహస్యంగా తీసిన వీడియోలు , ఫొటోలతో అతడిని , బ్లాక్ మెయిల్ చేసి , లక్షలు రూపాయలు గుంజేసింది.. చివరకు ఆస్తులు కూడా అమ్మించింది. అయినా ఆమె అతడిని వదలకుండా , తనకు డబ్బులు ఇవ్వడం ఆపేస్తే , వీడియోలు , ఫొటోలు బయటపెడతానని బెదిరించడంతో , ఒక దిక్కుతోచక అనంతరాజు ఆత్మహత్య చేసుకున్నాడు.. ఆలస్యంగా బయటపడ్డ సూసైడ్ నోట్ ఆధారంగా , పోలీసులు రేఖపై కేసు నమోదు చేశారు..
