ఒక ఒక హోంగార్డుని , హైకోర్టు ప్రధాన న్యాయమూర్తి తనంతట తానుగా రోడ్లో కారు నిలిపి సన్మానం చేయడం .. ఇదేదో సినిమాలో సీన్ లాగానే ఉంటుందని మాత్రం అనుకోవద్దు , ఇది నిజంగా హైదరాబాదులోనే జరిగింది . బహుశా దేశంలో ఒక సాధారణ హోంగార్డుని , హైకోర్టు ప్రధాన న్యాయమూర్తి స్థాయిలో ఉన్న వ్యక్తి తనంతట తానుగా కోర్టుకు పోతూ , ట్రాఫిక్ లో కారు ఆపి సత్కరించుకోవడం నిజంగా చాలా గొప్ప విషయం. ఒకరకంగా ఇది ఆ హోంగార్డు అదృష్టం . వృత్తిపట్ల నిబద్ధత గల వారిని గుర్తించే హైకోర్టు న్యాయమూర్తి ఉదారత్వనికి ఇదో నిదర్శనం. హోంగార్డు కే కాదు పోలీస్ వ్యవస్థ కే స్పూర్తిదాయకమైన చర్య .
ఇంతకీ అసలు విషయానికి వస్తే తెలంగాణ హైకోర్టు ప్రధాన న్యాయమూర్తి సతీష్ చంద్ర శర్మ అష్రాఫ్ అలీ అనే హోంగార్డుని కారు ఆపి సన్మానం చేశారు . ఈ హోంగార్డు ఆబిడ్స్ ట్రాఫిక్ పోలీస్ స్టేషన్ లో బాబు జగ్జీవన్ రామ్ విగ్రహం వద్ద డ్యూటీ చేస్తుంటాడు. ట్రాఫిక్ డ్యూటీ లో ఉండే ఈ హోంగార్డుని హైకోర్టు ప్రధాన న్యాయమూర్తి ప్రతి రోజూ గమనిస్తూ పోతుంటారు. ఆ సమయంలో ఆ హోంగార్డు ట్రాఫిక్ నియంత్రణలో అంకితభావాన్ని ,చిత్తశుద్ధిని, వృత్తి ధర్మాన్ని, హైకోర్టు న్యాయమూర్తి ప్రశంసించారు.
ఎవరో ఉన్నతాధికారులు ఇంకెవరో చెబితే ఆయన ప్రశంసలు అందించలేదు . తనంతట తానుగా ప్రతిరోజు హైకోర్టుకు పోతూ చూసి అతను డ్యూటీ చేసే విధానాన్ని మెచ్చుకొని ఈ సన్మానం చేశారు. నిజంగా ఇందులో హోంగార్డు వృత్తి ధర్మాన్ని ఎంతగా మెచ్చుకోవాలో , దాన్ని గుర్తించిన హైకోర్టు ప్రధాన న్యాయమూర్తి ని కూడా అంతే ప్రశంసించాలి..
