ఇటీవల జరిగిన ఉప ఎన్నికల్లో బీజేపీ ప్రాభవం తగ్గిందనే భయమో, వచ్చే ఏడాది వివిధ రాష్ట్రాల అసెంబ్లీలకు ఎన్నికలు జరుగుతున్నాయన్న ఆందోళనో, లేక.. సాగు చట్టాలకోసం రైతులు చేపట్టిన ఉద్యమం ఏడాది అవుతుందన్న ఆదుర్దానో తెలియదు కానీ మొత్తానికి ప్రధాని నరేంద్ర మోదీ వెనక్కి తగ్గారు. 3 రైతు చట్టాలను రద్దు చేస్తున్నట్టు ప్రకటించారు. ఈ సందర్భంగా దేశ రైతులందరికీ క్షమాపణ చెబుతున్నానని ప్రధాని అన్నారు.
WATCH: PM @narendramodi makes a big announcement, says "We are repealing all the 3 #FarmLaws"@AgriGoI #WinterSession#Parliament @PMOIndia @nstomar pic.twitter.com/eyDVIqLVas
— DD News (@DDNewslive) November 19, 2021
‘‘మా ప్రభుత్వం ఏం చేసినా అది రైతుల కోసమే. ఏం చేస్తున్నా.. అది దేశం కోసమే. మూడు సాగు చట్టాలను కూడా రైతుల ప్రయోజనాల కోసమే తీసుకొచ్చాం. ముఖ్యంగా సన్నకారు రైతులకు ఈ చట్టాలు ఎంతో ప్రయోజనకరంగా ఉంటాయి. అయితే ఎన్ని ప్రయత్నాలు చేసినప్పటికీ కొన్ని వర్గాల రైతులకు ఈ చట్టాలపై సర్దిచెప్పలేకపోయాం. అందుకే మూడు సాగు చట్టాలను రద్దు చేయాలని నిర్ణయించాం. ఈ నెలాఖరులో మొదలయ్యే పార్లమెంట్‌ సమావేశాల్లో దీనిపై ప్రకటన చేసి, రాజ్యాంగ పరమైన ప్రక్రియ ప్రారంభిస్తాం.. సరిహద్దుల్లో ఆందోళన చేస్తున్న రైతులందరూ ఉద్యమాన్ని విరమించి.. తిరిగి తమ ఇళ్లకు వెళ్లాలని కోరుతున్నా. రైతులను ఇబ్బంది పెట్టి ఉంటే క్షమించాలి’’ అని మోదీ వెల్లడించారు.
