శ్రీలంకలో అశాంతి అవధులు మించిపోయింది . నియంత్రించేందుకు వీలులేని పరిస్థితి కలుగుతుంది . అంతర్గత పోరు నానాటికి ఎక్కువ కావడంతో పరిస్థితి చేయి దాటి పోతోంది . ఆర్థిక సంక్షోభం కాస్తా శాంతిభద్రతల సంక్షోభంగా మారిపోయింది . ఒకరకంగా శ్రీలంకలో ఇప్పుడు అంతర్గత యుద్ధమే జరుగుతుంది. అరాచకం , అశాంతి రాజ్యమేలుతోంది. శ్రీలంక ప్రధానమంత్రి పదవికి మహేంద్ర రాజపక్సా రాజీనామా చేసిన తర్వాత కురంగాల అనే ఊర్లో ప్రధానమంత్రి నివాసాన్ని ఆందోళనకారులు తగులబెట్టారు . ఇదే కాకుండా పలువురు ఎంపీలు , నగర మేయర్ లు , ఇతర ప్రజాప్రతినిధుల ఇళ్ళు కూడా తగలబెడుతున్నారు .
వీధుల్లో తిరిగే ప్రజాప్రతినిధుల పై దాడులు చేస్తున్నారు . ఈ ఆందోళనలో విద్యార్థి సంఘాలు ప్రముఖంగా పాల్గొంటున్నాయి . ప్రతిపక్ష పార్టీలు కూడా దేశంలో అరాచకం అశాంతిని సృష్టిస్తున్నాయి. ఒకరకంగా ఆర్థిక సంక్షోభం కారణంగా శాంతిభద్రతలు అదుపుతప్పడంతో ప్రధానమంత్రి తన పదవి నుంచి వైదొలిగారు . ఆయన పదవి నుంచి దిగిన కొద్దిసేపట్లోనే ఏకంగా ఆయన ఇల్లు తగలబెట్టడం, ప్రధాని బంధువుల పై దాడులు చేయడం, కనపడిన ప్రజాప్రతినిధులును , కొట్టడం ఇలాంటి సంఘటనలతో అసలు సమస్య పక్కదారి పట్టింది . ఆర్థిక సమస్య , సంక్షోభం శాంతిభద్రతల సమస్యగ మారింది.
ప్రజలు సంయమనం పాటించాలని సీనియర్ నాయకులు సూచిస్తున్నప్పటికీ విద్యార్థి సంఘాలు పెడచెవిన పెడుతున్నాయి . ఆర్థిక సంక్షోభాన్ని ఆర్థికమైన పరిష్కారాల తోనే ఎదుర్కోవాలి తప్ప, శాంతిభద్రతల సమస్యలు సృష్టిస్తే దేశం అల్లకల్లోలం అవుతుందని అందువల్ల దేశం మరింత సంక్షోభంలోకి పోతుందని చెబుతున్నప్పటికీ ఆందోళనకారులు మాత్రం వినడం లేదు.
