ప్రియుళ్ళ సాయంతో , భర్తలను చంపే భార్యల ఉదంతాలు కోకొల్లలు.. ఇప్పుడు లేటెస్ట్ గా , ఓ ఇల్లాలు తన ప్రియుడి సాయంతో , మామను హత్యచేయించింది. కర్ణాటకలోని దొడ్డబళ్లాపూర్ జిల్లా , రామనదొడ్డి గ్రామంలో , కాంగ్రెస్ నాయకుడు గంటప్ప హత్య ఇటీవల సంచలనం సృష్టించింది. పోలీసు ఈ హత్య విషయంలో చేసిన దర్యాప్తులో అసలు విషయం బయటపడింది. కోడలు చైత్ర ఈ హత్యకు కుట్రచేసిందని స్పష్టమైంది. , 28 ఏళ్ళ వయసున్న కోడలు చైత్రకు , నవీన్ అనే వ్యక్తికీ పెళ్ళికి ముందునుంచే సంబంధం ఉంది. పెళ్లి తరువాతకూడా అక్రమసంబందాన్ని అలాగే కొనసాగించింది.
మామతో ఆస్తి పంపకాల విషయంలో తగాదా వచ్చింది. భర్త , తండ్రిని , ఆస్తి పంచమని గట్టిగా అడగలేకపోవడంతో , మామను చంపి ఆస్తి కాజేయాలని చైత్ర పధకం వేసింది. ప్రియుడు నవీన్ కి డబ్బులిచ్చి , కిరాయి హంతకులని మాట్లాడింది. ఇంట్లో , భర్త లేని సమయం చూసి , మామను కత్తులు , గొడ్డళ్లతో నరికించి చంపించింది. అయితే , బంధువుల అనుమానం వ్యక్తం చేయడంతో , విచారణ చేసిన పోలీసులకు కోడలు చేసిన ఘాతుకం బయటపడింది.. పోలీసులు ఆమెను , ప్రియుణ్ణి , కిరాయి హంతకులను అరెస్ట్ చేసి విచారణ చేస్తున్నారు.
