బుల్ డోజర్ .. బాబా, ఇదీ ఇప్పుడు ఉత్తరప్రదేశ్ తరువాత , మధ్యప్రదేశ్ లో మోగిపోతున్న టాక్.. ఇదో కొత్తరకం శిక్ష.. ఉత్తరప్రదేశ్ లో రేపిస్టులు , మాఫియాలను అరెస్ట్ చేయడమో , ఎన్ కౌంటర్లో కాల్చి చంపడమో చేసే యోగి ప్రభుత్వం స్టైల్లోనే ఇప్పుడు మధ్యప్రదేశ్ లో చౌహన్ సర్కార్ చేస్తోంది.. మూడు రోజుల్లో ఇద్దరు రేపిస్టుల ఇళ్లను , మేరేజ్ హాల్స్ ని బుల్ డోజర్లతో కూల్చేశారు.
మధ్యప్రదేశ్ లో అశోక్ నగర్ జిల్లాలో మంగోలిలో , ఒక మైనర్ బాలికపై ఇద్దరు వ్యక్తులు అత్యాచారం చేసారు. ఒక మేరేజ్ హాల్ , శుభ్రం చేస్తున్న మైనర్ బాలికను , మేరేజ్ హాల్ ఓనర్ కొడుకు , డానిష్ ఖాన్ , కౌన్సిలర్ కొడుకు నిసార్ ఖాన్ , గది శుభ్రం చేయమని పిలుస్తున్నారని చెప్పారు. ఆ బాలిక గదిలోకి పోయినతరువాత , బందించి అత్యాచారం చేశారు. ఈ విషయం ఆమె తల్లికి చెప్పింది. పోలీసు ఫిర్యాదుతో , విచారణ జరిపిన పోలీసులు ఇద్దరినీ అరెస్ట్ చేసి , బేడీలు వేసి రోడ్లో పెరేడ్ చేయించి జైలుకు పంపారు. తరువాత వాళ్ళిద్దరి ఇళ్లను , అత్యాచారం జరిగిన మేరేజ్ హాల్ ని , కూల్చేశారు..
మరో ఘటనలో షాదోల్ జిల్లా ముధోల్ లో 28 ఏళ్ళ యువతిని , ముగ్గురు స్నేహితులు షాదాబ్ ఉస్మాని , రాజేష్ , సోను జార్జ్ అనే వాళ్ళు సామూహిక అత్యాచారం చేసి చంపేశారు. దీంతో వారిని అరెస్ట్ చేసిన పోలీసులు షాదాబ్ ఉస్మాని ఇంటిని కూల్చేశారు. మిగిలిన ఇద్దరి నిందితుల ఇళ్ళు అద్దెవి కావడంతో వాటిని వదిలేశారు..
