తాళికట్టే శుభవేళలో ఈ వధువుని మృత్యువు కాటేసింది.. అత్యంత విషాదమైన ఈ ఘటన విశాఖ సమీపంలోని మధురవాడలోని నగరం పాలెం ప్రాంతంలో జరిగింది.. తాళి కట్టే సమయానికి కొద్దీ నిమిషాలముందు , పెళ్ళికొడుకు , పెళ్లికూతురు తలపై జీలకర్ర , బెల్లం పెడుతుండగా , పెళ్లికూతురు కుప్పకూలిపోయింది. క్షణంలోనే ప్రాణం విడిచింది. దీంతో పెళ్లి మండపం శోక మండపమైంది.
గత రాత్రి వరుడు శివాజీ, వధువు సృజనల పెళ్లి అంగరంగ వైభవంగా మొదలయింది. పురోహితుడు మంత్రాలు వల్లిస్తూ , పెళ్ళికొడుకుని , అమ్మాయి తలపై జీలకర్ర బెల్లం పెట్టమన్నాడు.. రెండూ కలిపి ఇచ్చాడు. ఇంతలోనే అనుకోని విధంగా పెళ్లికూతురు పీటలపైనే కుప్పకూలిపోయింది. కదలకుండా ఉండిపోయిన సృజనను ఆస్పత్రికి తరలించారు. ఆసుపత్రికి తీసుకొచ్చేప్పటికే ఆమె ప్రాణాలు పోయినట్టు డాక్టర్లు చెప్పారు.
