దేవుడంటే భక్తి ఉంటుంది..దేవుడు లేదనే వాళ్ళుకూడా సృష్టిని నడిపే అదృశ్యశక్తిని కాదనలేరు.. కొంతమందికి దేవుడే లోకం.. అయన సేవలోనే తరిస్తారు.. ఆయన సేవకోసమే తపిస్తారు.. అలాంటి భక్తుడే రామ్ గోపాల్ లడ్డూ.. తన ఇంట్లో నిత్యం పూజించుకునే కృష్ణుడి విగ్రహాన్ని తీసుకొని , కన్నీళ్లు పెట్టుకుంటూ , ఆగ్రా ప్రభుత్వ ఆసుపత్రికి వచ్చాడు..
బట్టల పొత్తిళ్ళ మధ్య కృష్ణుడి విగ్రహం ఉంది.. నేరుగా డాక్టర్ దగ్గరకెళ్ళి , ఏడుస్తూ , తన స్వామి విగ్రహానికి చేయి విరిగిందని , కట్టు కట్టండని ప్రాధేయపడ్డాడు.. యెంత డబ్బైనా ఇచ్చుకుంటానని చెప్పాడు.. మొదట్లో ఆశ్చర్యపోయిన డాక్టర్లు , అతడి ఏడుపు , ఆవేదన , భక్తి చూసి అతడికే దండం పెట్టారు.. అతడి విశ్వాసానికి , నమ్మకానికి తాము దండంపెట్టమన్నారు.. దేవుడికి కూడా వైద్యులు ట్రీట్మెంట్ చేయగలరని అతడి నమ్మకం తమకు ఆశ్చర్యం కలిగించిందని , అతడి భక్తికి దండం పెట్టామని అన్నారు..
మొత్తానికి నమ్మకంతో వచ్చిన రామ్ గోపాల్ లడ్డూ. నమ్మకాన్ని వమ్ముచేయకుండా , విగ్రహానికి కట్టుకట్టి పంపారు.. రామ్ గోపాల్ లడ్డూ.ప్రతిరోజూ మూడుపూటలా విగ్రహానికి స్నానం చేయించి పూజచేస్తాడు.. ఉదయం స్నానం చేయించే సమయంలో విగ్రహం కిందపడి చేయి విరిగింది.. దానికి కట్టుకట్టమనే అతడు హాస్పిటల్ కి వచ్చాడు..
