సౌదీఅరేబియాలో ఒకే రోజు 81 మందికి మరణ శిక్ష అమలు చేశారు. .. ప్రపంచ చరిత్రలోనే , ఒకే రోజు ఇంతమందికి మరణశిక్ష అమలు చేయడం ఇదే ప్రధమం. వీళ్ళందరికీ శిరచ్చేదం ద్వారా మరణ శిక్షను అమలు చేశారు. వీళ్లంతా ఇస్లామిక్ తీవ్రవాదులే.. రాజుకి , రాజ్యానికి వ్యతిరేకంగా కుట్రచేశారని వీళ్ళను తలనరికి చంపేశారు. .ప్రాణాలు కోల్పోయిన వారిలో , ఇస్లామిక్ స్టేట్ తీవ్రవాదులు , అల్ ఖైదా ఉగ్రవాదులు , యెమెన్ హుతి తిరుగుబాటుదారులు, ఇతర ఇస్లామిక్ తీవ్రవాద సంస్థల సభ్యులు ఉన్నారు.
ఉన్నారు. వీళ్లంతా , సౌదీ ప్రభుత్వానికి వ్యతిరేకంగా కుట్ర , సెక్యూరిటీ దళాల కుటుంబ సభ్యుల హత్య , పౌరులను బాంబు దాడులతో చంపే కుట్రలకు ప్లాన్ చేశారని , సౌదీ ప్రభుత్వ ప్రతినిధి చెప్పారు. వీరిలో కొంతమంది కిడ్నాప్ , మారణాయుధాలు సరఫరా , అత్యాచార కేసుల్లో దోషులు ఉన్నారని చెప్పారు. మరణశిక్ష పడ్డ 81 మందిలో 73 మంది సౌదీ అరేబియా పౌరులే , ఏడుగురు యెమెన్ , ఒకరు సిరియాకు చెందినవారు. 13 మంది జడ్జీల బృందం వీళ్లకు సంబందించిన కేసులను విచారించింది.
దేశంలో తీవ్రవాదాన్ని , తీవ్రవాదులను క్షమించే ప్రశ్న లేదని , మరణమే వారికి గుణపాఠమని ప్రభుత్వ ప్రకటన స్పష్టం చేసింది. గత ఏడాది సౌదీలో 61 మరణ శిక్షలు అమలుచేయగా , ఈ ఏడాది ప్రారంభంలోనే ఒకే రోజు 81 మందిని ఉరితీసి చంపడం విశేషం.
2020లో ప్రపంచ వ్యాప్తంగా 483 మరణశిక్షలు అమలుచేయగా , 88 శాతం మరణ శిక్షలు కేవలం నాలుగు దేశాలులో అంటే , ఇరాన్ లో 246, ఈజిప్టు లో 107, ఇరాక్ లో 45 , సౌదీలో 27 మిగిలినవి ఇతర దేశాలలో అమలు చేశారు. తీవ్రవాదులను సౌదీలో ఇదేపద్ధతిలో చంపేస్తారు. అక్రమ సంబంధాలు , రేప్ కేసుల్లో వాళ్ళను మాత్రం తాళ్లతో కొట్టి చంపేస్తారు. దేశ ద్రోహం కేసుల్లో కొంతమందికి శిరచ్చేదం , మరికొంతమందిని తుపాకీతో కాల్చడం ద్వారా మరణ శిక్ష అమలుచేసారు..
