వివాహ వేడుకకు స్థానిక నేతలు హాజరైతేనే ఎంతో గొప్పగా భావిస్తాం. అలాంటిది రాష్ట్ర ముఖ్యమంత్రి హాజరైతే..? అదీ జోరు వానల మధ్యలో.. ఎలా ఉంటుంది? ఇలాంటి అనుభవమే తమిళనాడులోని చెన్నైలో ఓ జంటకు ఎదురైంది.
తమిళనాడు ముఖ్యమంత్రి స్టాలిన్.. అధికార పగ్గాలు చేపట్టిన నాటి నుంచి తనదైన శైలిలో దూసుకుపోతున్నారు. ఆకస్మిక తనిఖీలతో అధికారులను అలర్ట్ చేస్తూ.. ఎప్పటికప్పుడు తన మార్కు రాజనీతిని ప్రదర్శిస్తుంటారు. ప్రజలకు తానెప్పుడూ చేరువగా ఉంటానని నిరూపించేందుకు వారితో మమేకమవుతారు. ఇలాంటి ఘటనే ఒకటి తమిళనాడు రాజధాని చెన్నైలో జరిగింది.
భారీ వర్షాల కారణంగా నగరంలోని చాలా ప్రాంతాలు జలమయమమ్యాయి. అయితే వరద ప్రభావిత ప్రాంతాల్లో పర్యటించి.. సహాయ చర్యలను ముమ్మరం చేసేందుకు సీఎం స్టాలిన్ వెళ్లారు. ఈ సందర్భంగా అప్పుడే పెళ్లి అయిన నూతన వధూవరుల దగ్గరకు వెళ్లి ఆశీర్వదించి.. వారిని ఆశ్చర్యపరిచారు.
