తల్లి అక్రమసంబందాలు , దారి తప్పిన కూతురు , మారు తండ్రితోనే కూతురు సహజీవనం , అన్నీ కలిసి అర్చన రెడ్డి అనే కోటేశ్వరురాలి ప్రాణం తీశాయి.. ఆమె హత్యకు దారితీసాయి.. బెంగుళూరులో జరిగిన అర్చనారెడ్డి హత్యకేసులో పోలీసులకు సంచలన విషయాలు తెలిసాయి. అర్చనారెడ్డి 2013లో , మొదటి భర్త అరవింద్ కు విడాకులు ఇచ్చింది. అప్పటికే ఆమెకు యువికారెడ్డి అనే కూతురుఉంది. తరువాత జిమ్ కు పోతుండగా , జిమ్ ట్రైనర్ నవీన్ తో పరిచయం , పెళ్ళికి దారి తీసింది.. ఇద్దరూ కాపురం చేస్తున్నారు. నవీన్ కన్ను , కూతురు యువికారెడ్డిపై పడింది..
తల్లితో ఉంటూ , కూతురితో కూడా ప్రేమాయణం మొదలుపెట్టాడు. ఈ విషయం తెలిసి , నవీన్ ని , అర్చనారెడ్డి హెచ్చరించింది. అయినా , కూతురుతో నవీన్ అక్రమ సంబంధం కొనసాగింది. ఈ దశలో అర్చన , భర్త నవీన్ ని వదిలించుకునేందుకు , గృహహింస చట్టంకింద కేసుపెట్టింది. దీంతో , కూతురు యువికారెడ్డి , మారుతండ్రి నవీన్ తో , కలిసి బయటకొచ్చేసింది. ఇద్దరూ సహజీవనం మొదలు పెట్టారు. ఈ లోగా అర్చనారెడ్డి , రోహిత్ అనే మరో వ్యక్తితో సహజీవనం మొదలు పెట్టింది. రోహిత్ , నవీన్ ని బెదిరించడం మొదలుపెట్టాడు. కూతురు యువికా ,తనకు ఆస్తిలో వాటాఇవ్వాలని తల్లిని డిమాండ్ చేసింది. ఈ గొడవలోనే , నవీన్ కిరాయి రౌడీలతో అర్చన రెడ్డిని చంపేశాడు. తన తల్లిని చంపించే కుట్రలో యువికారెడ్డిది కూడా ప్రధానపాత్రేనని పోలీసులు తేల్చారు..
