ఇద్దరు కూతుళ్లతో , ఓ తల్లి రేప్ కేసుల వ్యాపారం జోరుగా చేస్తోంది. తప్పుడు రేప్ కేసులుపెట్టి , లక్షల్లో డబ్బులు వసూలు చేయడమే పనిగా పెట్టుకున్న , తల్లిని , కూతుళ్లను పోలీసులు అరెస్ట్ చేసి జైలుకు పంపారు. గురుగ్రామ్ లో ఓ వ్యాపారవేత్తను , తప్పుడు రేప్ కేసులో ఇరికించి , 50 లక్షలు రూపాయలు డిమాండ్ చేశారు. ఈ వ్యాపారవేత్త తమ్ముడు , పరిస్థితి గమనించి , పక్కాగా ప్లాన్ చేసాడు. డబ్బులు ఇస్తానని నమ్మించి , ముందుగా కొంత అడ్వాన్స్ ఇస్తాన్ననాడు .
తాను ఇవ్వబోయే డబ్బులు , కరెన్సీ నోట్ల నంబర్లు , అన్నీ పోలీసులదగ్గర ఇచ్చాడు. పోలీసులు కూడా , డబ్బులు ఇస్తానన్న రెస్టారెంట్ దగ్గర మాటువేశారు. అమ్మ , కూతుళ్లు , వచ్చి డబ్బులు తీసుకోవడంతోనే , పోలీసులు అరెస్ట్ చేశారు.
గతంలో కూడా తల్లి , కూతుళ్లు ఇలాగే వివిధ పోలీస్ స్టేషన్ల పరిధిలో ఎనిమిది తప్పుడు రేప్ కేసులు పెట్టి , బ్లాక్ మెయిల్ చేసి , లక్షలు గుంజారు. ఇంతకాలానికి వీళ్ళ పాపం పండి చిక్కిపోయారు. ఈ మహిళకు , 19 , 17 ఏళ్ళ కూతుళ్లు ఉన్నారు. వీళ్ళను అడ్డంపెట్టుకునే రెండేళ్లలో దాదాపు 70 లక్షలు సంపాదించిందట .. వీళ్లకు సంబందించిన కేసును , మహిళా పోలీసు అధికారి సుమన్ కుమారి విచారిస్తున్నారు.
