అనంతపురం జిల్లాలో ఘోరం జరిగింది. రోడ్డు ప్రమాదంలో ఒకే కుటుంబానికి చెందిన ఎనిమిది మంది చనిపోయారు. డ్రైవర్ తో సహా తొమ్మిది మంది మరణించారు. లారీ , కారుని ఢీకొనడంతో కారులోని వారంతా చనిపోయారు. కర్ణాటకలోని బళ్లారిలో ఒక పెళ్లికిపోయి తిరిగి వస్తుండగా ఈ దారుణం చోటుచేసుకుంది.
ఉరవకొండ మండలం బుదగవిలో ఈ ప్రమాదం జరిగింది. మృతులు ఉరవకొండ మండలం నిమ్మగల్లు కు చెందిన ఒకే కుటుంబ సభ్యులు.మృతుల్లో ఆరుగురు మహిళలు , ఇద్దరు పురుషులు.. . ప్రమాదంపై కేసు నమోదు చేసుకున్న పోలీసులు.. దర్యాప్తు చేస్తున్నారు. లారీ అధిక వేగం కారణంగానే ఈ ప్రమాదం జరిగినట్లుగా పోలీసులు ప్రాథమిక నిర్ధారణకు వచ్చారు.