తన ప్రేమకు అడ్డు వస్తున్నాడని కన్న తండ్రినిప్రియుడు సాయంతో కూతురు చంపేసింది . సభ్య సమాజం సిగ్గుతో తలదించుకునే ఈ దారుణం మహబూబాబాద్ మండలం వేమనూరు అనే గ్రామంలో జరిగింది . వెంకన్న అనే వ్యక్తికి ప్రభావతి కూతురు . ప్రభావతిని తండ్రి అల్లారుముద్దుగా పెంచుకుంటున్నారు .
అదే గ్రామంలోని వెంకటేశ్వర్లు అనే యువకుడు తో ప్రభావతి ప్రేమలో పడింది . అయితే కూతురికి మంచి సంబంధం తో పెళ్లి చేయాలని తండ్రి తాపత్రయం. ప్రేమలు దోమలు వద్దని తండ్రి వారించాడు . కూతుర్ని ప్రియుడితో కలవకుండా కట్టడి చేశాడు . దీంతో కూతురు ప్రభావతి తన ప్రేమకు తండ్రి అడ్డు వస్తున్నాడని ఆయనను తొలగించుకోవడం కోసం ప్రియుడు సాయం కోరింది .
రాత్రి ప్రియుడు వెంకటేశ్వర్లు ,కూతురు ప్రభావతి, తల్లి ఇంట్లో లేని సమయంలో తండ్రి ,నిద్రపోతుండగా కర్రతో కొట్టి చంపేశారు. ఆ తర్వాత ఏమీ తెలియనట్టు ఇది ఆస్తి తగాదా అని చెప్పింది , మరో సందర్భంలో తన తండ్రి తాగి వచ్చి గొడవ పడ్డాడని అందువల్ల ఎవరో చంపేశారని చెప్పింది . అయితే ఇరుగుపొరుగు ఇచ్చిన సమాచారంతో పోలీసులు ప్రభావతి ని అదుపులోకి తీసుకుని ప్రశ్నించారు , తన తండ్రి ,తన ప్రేమకు అడ్డుగా ఉన్నాడని , అందువల్ల ప్రియుడు సాయంతో ఇద్దరం కలిసి చంపేసామని ప్రభావతి ఒప్పుకుంది . ప్రియుడు వెంకటేశ్వర్లును, ప్రభావతి పోలీసులు అరెస్ట్ చేసి రిమాండ్ కి పంపారు,
