ఏపీ రాష్ట్ర మంత్రివర్గం రాజీనామా సమర్పించింది. గురువారం మధ్యాహ్నం 3 గంటలకు ప్రారంభమైన సమావేశంలో మొదట , కొన్ని అంశాలపై చర్చించి తీర్మానం చేశారు. సున్నా వడ్డీ పధకం , మిలెట్ మిషన్ పథకంతో సహా , 36 అమలుపై కేబినెట్ చర్చించింది. అన్ని తీర్మానాలు అయినా తరువాత , సీఎం జగన్ , మంత్రివర్గ పునర్వ్యవస్తీకరణకు సహకరించాలని కోరారు. దీంతో మంత్రులంతా , సీఎంకు మంత్రివర్గ పునర్వ్యవస్తీకరణ విషయంలో స్వేచ్ఛ ఇచ్చే ప్రయత్నంలో , తమ రాజీనామాలను సమర్పించారు.
వాస్తవానికి అయితే , మంత్రులనుంచి , రాజీనామాలు తీసుకునేందుకే , ఈ సమావేశం ఏర్పాటైంది. ఇంతవరకు మంత్రులుగా , బాగా పని చేశారని , ఇకనుంచి మాజీలు అయినా , వారికీ పార్టీ పరమైన కీలక బాధ్యతలు ఉంటాయని చెప్పారు. గతంలో హామీ ఇచ్చినట్టు , రెండున్నరేళ్లు తరువాత , కొత్తవారికి చోటు ఇవ్వాలన్న ఉద్దేశంతోనే ఇలా చేస్తున్నట్టు చెప్పారు. మంత్రుల రాజీనామాలను , గవర్నర్ కి ఇచ్చి , అవి ఆమోదం పొందిన తరువాత , కొత్త మంత్రుల జాబితాను గవర్నర్ కి ఇస్తారు. 11 వతేదీన కొత్త మంత్రివర్గ ప్రమాణ స్వీకారానికి ముహూర్తం నిర్ణయించారు..
మంత్రివర్గం ఆఖరి సమావేశం సందర్భంగా మీడియాకు మంత్రి పేర్నినాని వీడ్కోలు విందు ఏర్పాటు చేశారు. ఈ విందులో మంత్రులు బాలినేని శ్రీనివాస్‌ రెడ్డి, కొడాలినాని పాల్గొన్నారు. మీడియా సహకారం తాను మరువలేనని నాని చెప్పారు..
